Հասարակություն

Կորոնավիրուսի հետեւանքով կփոխվի անշարժ գույքի գնորդների կոնտինգենտը Հայաստանում (գրաֆիկ)

Փետրվարին Երեւանում բնակարանների 1 ք/մ մակերեսի դիմաց շուկայական արժեքը սահմանել է հերթական ռեկորդը՝ ըստ վերջերս հրապարակված պաշտոնական վիճակագրական տվյալների։

Ամենամեծ բացարձակ աճը գրանցվել է Կենտրոն էլիտար համայնքում։ Այդտեղ 1 ք/մ մակերեսի գինը թանկացել է 209 դոլարով մեկ տարվա ընթացքում (տե՛ս աղյուսակը)։ Հաշվետու ամսվա ընթացքում գրանցվել է նաեւ ուրիշ ռեկորդ։ Փետրվարին Երեւանում գրանցվել էր բնակարանների առուվաճառքի 986 գործարք, ինչը 82 գործարքով (կամ 9 տոկոսով) ավելին է, քան անցած տարվա նույն ամսում։

Փետրվարին COVID19 կորոնավիրուսային վարակի գործոնը դեռեւս չէր հասցրել բացասական ազդեցություն թողնել Հայաստանի վրա։ Հիշեցնենք, որ մարտի 11-ին էր Առողջապահության համաշխարհային կազմակերպությունը պաշտոնապես ճանաչել կորոնավիրուսի բռնկումը որպես պանդեմիա։ Այժմ մեր երկրի իրավիճակին ծանոթ են բոլորը։ Հասարակության նորմալ կյանքը լրջորեն խախտվել է, եւ շատերն արդեն չեն հետաքրքրվում բնակարանի առուվաճառքով։ Այս պայմաններում չի բացառվում անշարժ գույքի գնիջեցում սպառողական պահանջարկի կրճատման պատճառով։

Բանն այն է, որ բնակարանների գնորդների շջանում եղել են քաղաքացիներ, որոնք ներդրել են իրենց կապիտալն անշարժ գույքի մեջ։ Այլ կերպ ասած՝ գնել են բնակարաններ մայրաքաղաքում, եւ այնուհետեւ վարձով հանձնել դրանք, այդ թվում՝ օտարերկրյա զբոսաշրջիկներին։ Սակայն այժմ նրանք հույս չեն կապում օտարերկրյա քաղաքացիների հետ։ Այդ հանգամանքը, բնականաբար, կանդրադառնա բնակարանների գնորդների այդ կատեգորիայի վրա։ Կնոսրանան նաեւ Հայաստանում օտարերկրացի գնորդների շարքերը։

Ռուսաստանում, որը նույնպես բախվել է համաճարակի բռնկման հետ, չկա միանշանակ կարծիք անշարժ գույքի շուկայի մոտ ապագայի մասին։ Ռուս փորձագետները պարզապես չեն անում հստակ կանխատեսումներ՝ բացատրելով դա մի շարք գործոնների անկանխատեսելիությամբ, որոնք հիմնականում կապված են կորոնավիրուսի հետ։ Իսկ նորություններն այդ ոլորտում դեռեւս հուսադրող չեն։ Դա, իհարկե, խնդիր է ոչ միայն Ռուսաստանում, կամ Հայաստանում։ Աշխարհի բազմաթիվ երկրներում իսկական քաոս է, իսկ համաշխարհային տնտեսությունն անկման փուլում է։

Կարդացեք նաեվ

Հայաստանում հաստատվել է կորոնավիրուսով վարակվելու 2474, մահվան՝ 16 նոր դեպք․ վարակվածների ընդհանուր թիվը 73 310 է, մահվան դեպքերինը՝ 1474

Irina Abovyan

Հեռախոսազանգերը ֆիքսող համակարգը դեռ չի աշխատում․ երբվանի՞ց կգործի

Irina Abovyan

ՏԵՍԱՆՅՈՒԹ. Կյանքը սահմանին. նահանջելու ոչ մի տեղ չկա. ինչով են զբաղվում այս թեժ օրերին մարդիկ Արցախում

Irina Abovyan

Կենդանակերպի նշանների ամենա-ամենաների ցուցակը

Irina Abovyan

Խոշոր ավտովթար Երևանում. Mercedes-ը «Եռաբլուր» զինվորական պանթեոնի դիմաց բախվել է ծառին և էլեկտրասյանը. վարորդն ու ուղևորը ծայրահեղ ծանր ախտորոշմամբ տեղափոխվել են հիվանդանոց. ՖՈՏՈՌԵՊՈՐՏԱԺ, ՏԵՍԱՆՅՈՒԹ

Irina Abovyan

45-օրյա մեր հերոսամարտը արժևորելու ժամանակն է․ «Գոյամարտ»

Irina Abovyan