Հասարակություն

Վանաձորում ավազակությամբ 30 հազար դոլար են հափշտակել․ Բազումի ոստիկանների բացահայտումը

Անցած տարի, սեպտեմբերի 27-ի ժամը 7-ի սահմաններում, անհայտ անձինք Վանաձորի Անդրանիկ Զորավարի փողոցի տներից մեկի հարակից տարածքում հարձակվել էին տանտիրոջ վրա և բռնության գործադրմամբ հափշտակել շուրջ 30.000 դոլար։

Նույն օրը հարուցվել էր քրեական գործ՝ ՀՀ քրեական օրենսգրքի 175-րդ հոդվածի` ավազակության հատկանիշներով։
Իրավապահները ձեռնարկում էին անհրաժեշտ գործողություններ՝ հանցագործությունը բացահայտելու ուղղությամբ, սակայն տևական ժամանակ միջոցառումներն արդյունք չէին տալիս։

Նախաքննության ընթացքում ձեռնարկված ծավալուն օպերատիվ-հետախուզական միջոցառումների և քննչական գործողությունների արդյունքում պարզվեց հանցագործությունը կատարած անձանց ինքնությունը։
Մարտի 30-ին ոստիկանության Բազումի բաժնում ստացված օպերատիվ տեղեկություններն իրացնելիս, նույն բաժնի, ոստիկանության Լոռու մարզային վարչության ու Հրազդանի բաժնի ծառայողները Հրազդանի Կոստանյան փողոցից, ավազակությունը կատարելու կասկածանքով, Լոռու մարզային քննչական վարչություն բերման ենթարկեցին Վանաձորի 31-ամյա մի բնակչի։ Առաջադրվել է մեղադրանք։ Նա կալանավորվել է։

Ձեռնարկվում են միջոցառումներ՝ հանցագործությունը կատարած մյուս անձանց հայտնաբերելու և քննությանը ներկայացնելու ուղղությամբ։
Քրեական գործի նախաքննությունը շարունակվում է։

Կարդացեք նաեվ

Ընտրեք հրեշտակապետին և տեսեք թե ինչ է դա նշանակում

Irina Abovyan

Առավոտյան հյուսիսային և հարավարևելյան ուղություններով հակառակորդը վերսկսել է հրետանային ակտիվ կրակը. ՊՆ խոսնակ

Irina Abovyan

Քարաթափում է տեղի ունեցել

Irina Abovyan

Ունենք կորոնավիրուսային հիվանդությամբ հաստատված 612 նոր դեպք

Irina Abovyan

Աղվերանում 17-ամյա քաղաքացի է կորել

Irina Abovyan

Գարեգին Երկրորդը կոչ է արել ազատ արձակել Ռոբերտ Քոչարյանին

Irina Abovyan