Քաղաքականություն

Իսկ հիմա՝ ինձ լսեք պարո՛ն քաղաքապետ. մենակ աղբ հավաքելով քաղաք չես պահի. Անի Սամսոնյան

Երևանի քաղաքապետ Հայկ Մարությանը իր ընդդիմախոսների հնչեցրած քննադատությունները անվանում է տականքություն։ Ինչպես հասկանում եմ, նման բնորոշումները պարոն քաղաքապետի սրտով են։

Իսկ հիմա՝ ինձ լսեք պարո՛ն քաղաքապետ։ Արդեն հոգնել եմ սպասել Ձեզ ուղղված ժամկետանց նամակների պատասխաններին։ Այն, ինչ այսօր կատարվում է Երևանի քաղաքաշինության ոլորտում և Ձեր ղեկավարած հիմնարկի համապատասխան բաժնում, ես կանվանեմ վայրենություն (Ձեզ հոգեհարազատ բնորոշումներով) քաղաքի և երևանցիների նկատմամբ (որը հեղափոխական իշխանության օրոք չպիտի շարունակվեր)։

Արդեն որերորդ դեպքն է, որ Դուք ստորագրում և տրամադրում եք քաղաքաշինական փաստաթղթեր ՀՀ օրենսդրության և նորմատիվ-տեխնիկական փաստաթղթերի պահանջների խախտումներով։ Տարոն Մարգարյանի ժամանակ կռվով-դավով կասեցված շինարարության համար նորից տրամադրել էիք շինթույլտվություն Մամիկոնյանց փողոցի վրա ու նորից խախտումներով, որը հաստատել էր ՀՀ Քաղաքաշինության, տեխնիկական և հրդեհային անվտանգության տեսչական մարմինը։ Բնակիչները ստիպված դիմեցին վարչական դատարան։

Հենց հիմա Արաբկիր վարչական շրջանի Բարբյուսի 11 փողոցում ընթացքի մեջ են կառուցապատման աշխատանքներ (Արտակարգ դրության պատճառով ժամանակավոր դադարել է), որոնք ևս իրականացվում են ՀՀ օրենսդրության խախտումներով։ Բարբյուսի 9 շենքի բնակիչները արդեն տևական ժամանակ պայքարում են այս շինարարության դեմ, որովհետև խախտումների պատճառով փակվել է բազմաբնակարան շենքի թիկունքային ճակատին հրշեջ մեքենաների մոտեցման ճանապարհը։ Բացի այս փաստից, ՀՀ Քաղաքաշինության, տեխնիկական և հրդեհային անվտանգության տեսչական մարմինը արձանագրել է նաև նորմատիվ-տեխնիկական այլ խախտումներ։

Նշեմ նաև, որ Քեռու 12 հասցեի բնակելի տանը բռնկվել էր հրդեհ և վնասել մի քանի տներ, որովհետև հրշեջ մեքենաները մուտք չեն ունեցել տարածք։

Ես դիմում եմ քաղաքապետարան և ի պատասխան ինձ ասում եք, որ Բարբյուսի 11 հասցեում բնակելի տունը հյուրատան վերակառուցման համարտրամադրված քաղաքաշինական փաստաթղթերի իրավաչափությունը պարզելու նպատակով հարուցվել եք վարչական վարույթ։ Բայց միևնույն ժամանակ շինարարական աշխատանքները թափով առաջ են գնում։

Կարծում եմ արդեն հասկանալի է Ձեզ, որ պիտի դուրս գաք Ձեր կարանտինից, կասեցնեք այդ շինարարական աշխատանքները և վերականգնեք բնակիչների ոտնահարված իրավունքները։

Հուսամ այս կառուցապատողները Երևանին ԿԱՄԱԶ, աղբաման կամ փոշեկուլ չեն նվիրել։ Եթե չեն նվիրել՝ ուրեմն Ձեր ղեկավարած հիմնարկի համապատասխան վարչությունը ցրեք, մեկ էլ նայեք ինչ եք ստորագրում, կամ մարդ պահեք, ով Ձեր տեղը կնայի։

Կսպասեմ Ձեր ակտիվ լայվերին շինհրապարակներից։ Թե չէ մենակ աղբ հավաքելով քաղաք չես պահի։

Կարդացեք նաեվ

Վահե Էնֆիաջյան ես քո տեղը ամաչում եմ… սա մեծ մասշտաբի խայտառակությունա, ահավոր ամոթ ա… Կարո Ղուկասյանի կոշտ պատասխանը Վահե Էնֆիաջյանին

Irina Abovyan

Թուրքիան պատրաստ է Արցախի խնդրի լուծման հարցում աշխատել Ֆրանսիայի հետ

Irina Abovyan

Կորոնավիրուսը պատերազմ է հայտարարել Հայաստանին, ով պայքարում է իշխանության դեմ, կամա թե ակամա դավաճանում է ազգին․ Լևոն Տեր-Պետրոսյան

Irina Abovyan

Ես կոչ եմ անում ոչ թե ատել, այլ սիրել Ռոբերտ Քոչարյանին այն բանի համար, որ… Արտակ Գալստյանի ջախջախիչ անդրադարձը Ռոբերտ Քոչարյանին

Irina Abovyan

ՇՈԿԻ ՄԵՋ ԵՄ․ հորս արև, տատուս գերեզման և նման ոճաբանությունը խիստ անընդունելի է. Արմեն Դանիելյան

Irina Abovyan

Այսօր կառավարության շատ ավելի շատ են վստահում, քան ընդդիմությանը․ Նիկոլ Փաշինյան

Irina Abovyan