Հասարակություն

Yandex.Taxi-ն կորոնավիրուսից տուժած վարորդներին ֆինանսական աջակցություն ցուցաբերելու համար հիմնադրամ է գործարկում Հայաստանում

Yandex.Taxi-ն ստեղծում է գործընկերների աջակցության հիմնադրամ այն երկրներում, որտեղ գործում է ծառայությունը:

Ֆինանսական միջոցներն ուղղվելու են կորոնավիրուսից տուժած վարորդներին։ Հիմնադրամի ընդհանուր ծավալն ավելի քան 6 միլիոն դոլար է։ Հայաստանը, այսպիսով, առաջին միջազգային շուկաներից է, որտեղ գործարկվում է աջակցության ծրագիրը։

Հիմնադրամի միջոցները կուղղվեն այն վարորդներին, որոնք վարակվել են կորոնավիրուսով կամ հիվանդների հետ շփման հետևանքով հայտնվել են մեկուսացման մեջ։ Ծրագիրը նախատեսված է բոլոր նրանց համար, ովքեր կանոնավոր կերպով աշխատում են ծառայության հետ և օրական գոնե մի քանի ժամ պատվերներ են կատարում։ Ֆինանսական աջակցության չափը կախված է կատարված պատվերների պատմությունից․1 օրվա համար այն կկազմի վերջին կես տարվա օրական միջին մաքուր եկամտի կեսը։ Դրամական օգնությունը տրամադրվում է հիվանդության կամ կարանտինի 14 օրերի համար։ Աջակցության նվազագույն չափը 30 000 դրամ է, նույնիսկ եթե վերջին կես տարվա օրական միջին եկամտի վրա հիմնված հաշվարկն ավելի քիչ է նախատեսում։ Գումարի առավելագույն չափ սահմանված չէ։

«Վիրուսի տարածման և ձեռնարկված միջոցառումների պատճառով մարդիկ պետք է տանը մնան, բայց երբեմն ուղևորությունները պարզապես անհրաժեշտ են, էլ չեմ խոսում առաքումներ իրականացնելու մասին։ Հետևաբար վարորդները ոչ թե պարզապես երթուղի են դուրս գալիս ու պատվերներ կատարում, այլ կարանտինային իրավիճակում օգնում են մարդկանց ապրել հնարավորինս լիարժեք կյանքով։ Մենք լիահույս ենք, որ բոլոր վարորդներն առողջ կլինեն, բայց եթե նրանք ստիպված լինեն բախվել հիվանդությանը, մենք անպայման կաջակցենք նրանց»,- ասում է Yandex.Taxi-ի EMEA և CIS երկրների ղեկավար Արամ Սարգսյանը։

Աջակցություն ստանալու համար վարորդը պետք է իր հավելվածի միջոցով դիմի Yandex.Taxi-ի աջակցության կենտրոն, նշի, թե ինչ է պատահել և ուղարկի հիվանդությունը կամ մեկուսացումը վկայող փաստաթղթերի լուսանկարները։

Կարդացեք նաեվ

Աստղագուշակ մայիսի 26-ի

Irina Abovyan

Չորս տարի առաջ այս օրը մեր զավակները՝ ավագ ընկերների կողքին, փառքով պսակեցին իրենց անունները.Սերժ Սարգսյան

Irina Abovyan

Իտալացի ինստրուկտորը ջերմիջեցնող է խմել, եկել Հայաստան, թաքցրել իր իրական վիճակը 1-2 օր անցկացրել է արտադրամասում, հեռացել է ՀՀ-ից ու թողել այդպիսի հետեւանք. Փաշինյան

Irina Abovyan

Սևանում քաղաքացին ընկել է մոտ 4 մ խորությամբ փոսի մեջ․ փրկարարները հանել են նրա դին

Irina Abovyan

Ստեփանակերտը հրետակոծությունից հետո

Irina Abovyan

Արտակարգ դեպք Երևանում. «Մալիբու»-ի այգում տղամարդուն ծեծի ենթարկելուց հետո առևանգել ու տևական ժամանակ իր կամքին հակառակ զրկել են ազատությունից՝ պահանջելով վճարել իրենց գումարները. գործին խառնվել են Կենտրոնականի ոստիկանները

Irina Abovyan