Հասարակություն

Արարատի մարզում երիտասարդ կին է ականի վրա պայթել. նա բանջար հավաքելու էր գնացել

Արարատի մարզի Պարույր Սեւակ հայանքի տարածքում ապրիլի 5-ին ականի պայթյունից երիտասարդ կին է վիրավորվել: Այս մասին NEWS.am-ին հայտնեց համայնքի ղեկավար Էդուարդ Ստեփանյանը:

«Դեպքը ապրիլի 5-ին է տեղի ունեցել, նա բանջար հավաքելու է գնացել կիսուրի հետ, նրչանց հետ եւս 3 կանայք են եղել: Բարեբախտաբար նրանք վնասվածքներ չեն ստացել: Կնոջը տեղափոխել են «Աստղիկ» հիվանդանոց, ամենայն հավանականությամբ, ոտքը կանդամահատեն»,- ասաց գյուղապետը` նշելով, որ 33-ամյա կինը 3 անչափահաս երեխաներ ունի:

Նա հավելեց, որ շատ մեծ դժվարությամբ են կնոջը հանել, քանի որ ականապատ տարածք է եղել եւ արգելված է եղել քաղաքացների մուտքը:

Ոստիկանությունից էլ NEWS.am-ին հայտնեցին, որ նման հաղորդում ստացել են. «Ապրիլի 5-ին ժամը 14.50-ին հիվանդանոցից ոստիկանության Արարատի բաժին հաղորդում է ստացվել, որ «ձախ ստորին վերջույթի, ստորին ս/3-ի մակարդակի վնասվածքային ամպուտացիա, հեմորակիկ և վնասվածքային շոկ 4-րդ աստիճանի կոմոստրոս վիճակ» ախտորոշմամբ իրենց մոտ է տեղափոխվել Պ.Սևակ գյուղի 1987թ.ծնված բնակչուհի:

Մեկնած օպերատիվ խումբը պարզել է, որ նույն օրը ժ.13.20-ի սահմաններում, սկեսրոջ հետ՝ Պ.Սևակ գյուղի վարչական տարածքում բանջար հավաքելու ժամանակ, նրա ոտքը պատահաբար դիպչել է ականի, որի հետևանքով տեղի է ունեցել պայթյուն և վերջինս ստացել է նշված վնասվածքը: Հանգամանքները պարզվում են: Նախապատրաստվում են նյութեր»:

Կարդացեք նաեվ

Հինգ րոպեի ընթացքում նախաճաշ

Irina Abovyan

Երևանում Ճանապարհային ոստիկաններն ու բժիշկները փրկել են ծայրահեղ ծանր ախտորոշմամբ Նորք Մարաշի սրտաբանական հիվանդանոց տեղափոխված տղամարդու կյանքը

Irina Abovyan

Ավազակային հարձակում Երևանում գտնվող «Հայփոստ»-ում. ոստիկանները, վտանգելով իրենց կյանքը, վնասազերծել են ատրճանակով զինված հանցագործին. ՖՈՏՈՌԵՊՈՐՏԱԺ

Irina Abovyan

Հիանալի սկրաբ ողջ մարմնի համար

Irina Abovyan

Դպրոցները կփակվե՞ն. մեկնաբանում է ՀՀ առողջապահության նախարարը

Irina Abovyan

Արցախի ՊՆ–ն հրապարակել է ևս 51 զոհված զինծառայողի անուն, հայկական կողմն ունի 480 զոհ, ադրբեջանական կողմը՝ 4719

Irina Abovyan