Հասարակություն

ՎՏԲ-Հայաստան բանկը ահազանգից հետո թոշակառու կնոջ խնդրին հրատապ լուծում է տվել

«Առաջին լրատվական»-ը մի քանի օր առաջ ահազանգ էր ստացել Քանաքեռ-Զեյթուն վարչական շրջանի թոշակառու բնակիչներից մեկից, որ ՎՏԲ-Հայաստան բանկի Ազատության 24/7 հասցեում գտնվող բանկոմատից ապրիլի 2-ին փորձել է թոշակը կանխիկացնել, սակայն բանկոմատը առգրավել է և՛ քարտը, և՛ գումարը։

Թոշակառու կինն արդեն հաջորդ օրը՝ ապրիլի 3-ին, դիմել է բանկ ու ներկայացրել խնդիրը։ Բանկում կնոջը տեղում վերադարձրել են քարտը, սակայն գումարը՝ ոչ, նշելով, որ ընթացակարգի համաձայն՝ 10-օրյա ժամկետում են նմանատիպ հարցերը լուծվում։

Թոշակառու կինը դժգոհել է, քանի որ մեկ ամիս սպասել է թոշակի օրվան, ու այս ծայրահեղ վատ վիճակում, երբ մի կողմից էլ տանից դուրս գալն է սահմանափակված, ինքը պետք է 10 օր ևս սպասի, մինչև գումարը ստանա։

Մեր ահազանգ-հրապարակումից հետո ՎՏԲ-Հայաստան բանկից ստացանք պարզաբանում, որում նշված է, որ թոշակառու կնոջ խնդրին հրատապ լուծում է տրվել։

Խնդրի վերաբերյալ բանկի պարզաբանումը ներկայացնում ենք ստորև.

«Տեղեկացնում ենք, որ ՎՏԲ-Հայաստան բանկի հաճախորդը 02.04.2020 թ. ժամը 19:59-ին փորձել է կանխիկացում անել Ազատության 20 հասցեում գտնվող ՎՏԲ-Հայաստան բանկի Արաբկիր մասնաճյուղի բանկոմատից, սակայն բանկոմատը գումարը և քարտը առգրավել է և չի տրամադրել հաճախորդին:

Հաճախորդը 03.04.2020-ին մոտեցել է բանկի Արաբկիրի մասնաճյուղ՝ առգրավված քարտը և գումարը ստանալու նպատակով (նույն օրը չի դիմել, քանի որ մասնաճյուղն արդեն փակ էր): Բանկում գործող կարգի համաձայն՝ քարտը տեղում վերադարձվել է հաճախորդին մասնաճյուղի մասնագետների կողմից, իսկ գումարի վերադարձի համար հաճախորդից վերցրել են գործարքի բողոքարկման դիմում, որը նույն օրվա ընթացքում ուղարկվել է համապատասխան բաժին՝ կատարման:

Ընդ որում, հաշվի առնելով այն փաստը, որ հաճախորդը թոշակառու է և գումարն իրեն շտապ է անհրաժեշտ, բանկը նախաձեռնել է համապատասխան քայլեր՝ դիմումի ուսումնասիրությունն արտահերթ իրականացնելու համար, քանի որ, գործող կարգի համաձայն, բողոքարկման դիմումի ուսումնասիրությունը կարող է տևել մինչև 10 օր:

Արդյունքում գումարը հետ է վերադարձվել հաճախորդի հաշվին 04.04.2020 թ.՝ շաբաթ օրը, ժամը 14:02-ին: Հաճախորդը տեղեկացված է և այս պահին որևէ դժգոհություն չունի»:

Նյութի աղբյուր1in.am

Կարդացեք նաեվ

Ու երբ պիտի հասկանաք, որ․․․ Բժիշկ Հայկ Մանասյանի չափազանց կոշտ և դիպուկ գրառումը «բնիկ երևանցիների» մասին

Irina Abovyan

Կորոնավիրուսի մեկ թեստի արժեքը $ 30 է

Irina Abovyan

Ռազմական ինժեներներ, սարքավորումներ և տեխնիկա ԼՂ-ին. ՌԴ ՊՆ

Irina Abovyan

Այս դիմակը կտա ձեր մազերին հիանալի ծավալ և փայլ

Irina Abovyan

Հոգեբանական 5 խորամանկ հնարք, որոնք օգտակար են յուրաքանչյուրին

Irina Abovyan

Մենք մեղավոր չենք, որ վերապրել ենք… Ռաֆայել Մնացականյանի ջախջախիչ անդրադարձը վերջին իրադարձություններին

Irina Abovyan