Քաղաքականություն

Վարչապետը խորհրդակցություն է անցկացրել տնտեսական բլոկի ղեկավարների և ԿԲ մասնագետների հետ

Վարչապետ Նիկոլ Փաշինյանի գլխավորությամբ տեղի է ունեցել խորհրդակցություն, որին մասնակցել են կառավարության տնտեսական բլոկը ներկայացնող գերատեսչությունների ղեկավարներն ու Կենտրոնական բանկի մասնագետները: 

Վարչապետը նշել է, որ խորհրդակցության նպատակն է փորձել գնահատել կորոնավիրուսի ազդեցությունը տնտեսության վրա և ի հայտ բերել այն հնարավորությունները, որոնցից մեր երկիրը և տնտեսական հատվածը կարող է օգտվել: Վարչապետի խոսքով՝ նման քննարկումների արդյունքում պետք է գնահատել այն, թե ինչպես պետք է կառավարությունն արձագանքի հնարավորություններին կարճաժամկետ և երկարաժամկետ հատվածներում՝ հաշվի առնելով նոր պայմաններում տնտեսության կառուցվածքի փոփոխությունները: 

Այս համատեքստում ծավալված քննարկումների շրջանակում ներկայացվել են մի շարք գաղափարներ, առաջարկություններ և դիտարկումներ: Կենտրոնական բանկի մասնագետները ներկայացրել են իրենց վերլուծությունները համաշխարհային տնտեսությունում տեղի ունեցող զարգացումների և հնարավոր միտումների շուրջ: Այդ համատեքստում, կարևորվել է մարդկային կապիտալի, տեխնոլոգիաների և գիտելիքի վրա հիմնված տնտեսության ճյուղերի կառուցումն ու ներդրումների խթանումը:

Վարչապետ Փաշինյանն ընդգծել է. «Մեր հիմնական թիրախները պետք է լինեն նաև սպառողական վարքագծում տեղի ունեցող փոփոխությունները: Անհրաժեշտ է խթանել ստեղծագործականությունը և հասկանալ, թե ինչպես անել, որպեսզի դա տարածվի ընկերություններում, մարդկանց շրջանում, ընտանիքներում»: Նիկոլ Փաշինյանը կարևորել է հայկական գիտական ներուժի համախմբումն ու  զարգացման կոնկրետ բանաձևերի մշակումը՝ ըստ ոլորտների:

Կառավարության ղեկավարը նշել է, որ նման ձևաչափով քննարկումները լինելու են շարունակական և հանձնարարել վերը նշված ուղղություններով ներկայացնել առաջարկություններ և նոր գաղափարներ:

Կարդացեք նաեվ

Արայիկը իրական հանճար է Միայն իմանաք ինչ տվեց Հայաստանին և Արցախին Գյանջայի օդանավակայանի ոչնչացումը

Irina Abovyan

Եթե մեր ժամանակ ԱԺ-ում մեր քրֆեին ու «աբարոտկա ֆռռային», գիտեք՝ ինչ կանեին մոր համար. Առաքել Մովսիսյանը՝ երեկվա դեպքերի մասին

Irina Abovyan

Իշխող ուժի մի ստվար մասը կդառնա «ընդդմություն»․ Շարմազանով

Irina Abovyan

Փաշինյան, նախարարի հետ հայտնվելու եք «Կոշ» ՔԿՀ-ում, որտեղից ժամանակին տերերդ քեզ հանեցին.Փոստանջյան

Irina Abovyan

Գմփում եք, տղերք, գռփում ու գմփում. Արմեն Աշոտյան

Irina Abovyan

ՏԵՍԱՆՅՈՒԹ. Քաղաքական առաջնորդները ներկա չեն հանրահավաքին. նրանց ՀՔԾ են հրավիրել

Irina Abovyan