Հասարակություն

30 000 դրամ ստացող նպաստառուն ի վիճակի՞ է վճարել 45 000 դրամ տան վարձ, պահել 16-17 տարեկան երեխաներ. օրավարձով աշխատողները դժգոհում են՝ Կառավարությունն անտեսել է վարձով ապրողների խնդիրը (տեսանյութ)

ՀՀ-ում արտակարգ դրություն հայտարարելուց հետո Կառավարությունը մշակեց սոցիալական աջակցության 9 փաթեթ, սակայն բազմաթիվ քաղաքացիների խոսքով՝ այդ փաթեթների շրջանակը նեղ է, և շատերը, որոնք չգրանցված աշխատողներ են եղել, այսօր կանգնած են սոցիալական խնդիրների առջև: Tert.am-ը ներկայացնում է օրավարձով աշխատող մի քանի քաղաքացիների՝ Կառավարությանն ուղղված դիմումները:

Նրանցից մեկի ընտանիքը կառավարության սոցիալական աջակցության փաթեթներից որևէ մեկից չի կարող օգտվել, քանի որ ընտանիքը նպաստառու է: «Մի՞թե նպաստառուն, որ ստանում է 30 000 դրամ, ի վիճակի է վճարել 45 000 դրամ տան վարձ, պահել 16-17 տարեկան երեխա, 17 տարեկան երեխա, որ պետք է մի տարի հետո անցնի ծառայության: Այդպե՞ս եք ձեր ապագա զինվորներին պահում: Եթե այսօր մեզ նստեցրել եք տանը, չենք աշխատում, բերեք պահեք: Ես խոստանում եմ՝ եթե ինձ չօգնեք, այնպես եմ անելու, որ ամբողջ աշխարհը տեսնի, որ իմ տղային չեմ թողնելու ծառայության գնալ: Եթե չեք պատրաստվում պահել, դուրս կգանք աշխատելու՝ չհետևելով պարետի ոչ մի հրահանգի, և թող մեկը փորձի ասել, թե կտուգանի»,-նշեց օրավարձով աշխատող քաղաքացին:

Վարձով բնակարանում ապրող մեկ այլ ընտանիք ևս նշում է, թե Կառավարության կողմից անտեսվել է վարձով ապրող քաղաքացիների խնդիրը: «Հայաստանի ընտանքիների շատ մեծ զանգված բնակվում է վարձով, և ընտանիքներում չգրանված աշխատողներ են: Բնակարանների տերերը պահանջում են վարձերը: Երկու կողմին էլ կարելի է հասկանալ, բայց կարծում եմ՝ ավելի կարևոր է այն մարդը, ով 5 րոպեից կարող է հայտնվել փողոցում: Ընտանիքում չկա երեխա, որ օգտվի սոցիալական աջակցությունից, և ընտանիքի անդամները գրանցված աշխատող չեն, որովհետև չկա մի մարմին, որը կհսկի այն հարցը, որ մարդկանց գրանցեն»,-նշեց նա:

Մեկ այլ քաղաքացի ևս նշում է, որ վարձով է ապրում, և քանի որ այս ամիս վարձը վճարել չի կարող, բնակարանը պետք է լքի: «Ամուսինս աշխատում է օրավարձով, չգրանցված, քանի որ մի օր աշխատում է խանութում, մի օր՝ այլ խանութում: Փորձել եմ կապ հաստատել պարետի հետ՝ 4 անգամ: Չորս անգամ էլ իրենց աշխատակիցները շատ «մուննաթով» պատասխանել են, որ պարտավոր չեն ինձ լսել, և հեռախոսն անջատել են»,-ասաց քաղաքացին:

34-ամյա Սեդան ևս օրավարձով աշխատող է եղել, և, իր խոսքով, աշխատելու ընթացքում կարողացել են բավարարել ընտանիքի կարիքները: Իրենք ապրում են վարձով բնակարանում, և այժմ, վարձը վճարելու անկարողության պատճառով, դրսում մնալու խնդրի առջև են կանգնած:

Ալբերտն ապրում է մոր և քրոջ հետ: Իր խոսքով՝ մինչ արտակարգ դրության հայտարարումն աշխատել է օրավարձով՝ տարբեր վայրերում: Քույրը գրանցված աշխատող է եղել, բայց կորոնավիրուսի պաճտառով այժմ չվճարվող արձակուրդում է: «Օրը մի տեղում աշխատել եմ, որտե՞ղ պետք է գրանցվեի: Օրը մեկի մոտ պետք է գրանցվեի՞, որ գնահատեիք իմ աշխատանքը: Հիմա ո՛չ կարողանում եմ կոմունալ մուծել, ո՛չ ապրելու հնարավորություն կա: Կասե՞ք՝ մեզ նման մարդիկ հիմա ի՞նչ պետք է անեն: Դուք ինձ չեք տվել տարբերակ, որ ինչ-որ տեղ գրանցվեմ»,-դիմելով Կառավարությանը՝ նշեց օրավարձով աշխատող քաղաքացին:

Մանրամասները՝ տեսանյութում:

Կարդացեք նաեվ

Ավտովթարի հետևանքով ծայրահեղ ծանր վիճակում ԲԿ տեղափոխված 3 ամսական փոքրիկը դուրս է գրվել հիվանդանոցից

Irina Abovyan

Արտակարգ դեպք Շիրակի մարզում․ 29-ամյա տղամարդը փորձել է ինքնասպան լինել, հայտնելով, որ մեղավորը Ոստիկանության Մուշի բաժնի պետերն են

Irina Abovyan

Քսուք կնճիռների դեմ

Gevorg Kazaryan

Արցախի ՊԲ, արևելյան ուղղություն․ հակառակորդի զինամթերքով բեռնված

Irina Abovyan

Ձայնս տալու եմ Նիկոլիս․Շատ գոհ եմ Փաշինյանից Էս վիրուսի վախտ ինչ անի էդ մարդը, ժողովուրդ ջան մի քիչ համբերեք ամեն ինչ լավ կլինի

Irina Abovyan

Տեսնես՝ էն կանայք ու աղջիկները, ովքեր չգիտեն, թե իրենց գոտկատեղից ներքև քանի անցք կա, ու որն ինչի համար ա դե՞մ են սեռական կրթությանը. Լյուսի Քոչարյան

Irina Abovyan