Հասարակություն

Պարետը ներկայացնում է Covid-19 Armenia հավելվածը՝ AC19 հավելվածի փոխարեն

📢Սիրելի՛ հայրենակիցներ,

Կորոնավիրուսի դեմ պայքարում մեծ թափով շարունակում ենք օգտագործել տեղեկատվական տեխնոլոգիաների ընձեռած հնարավորությունները և նոր գործիքներով զինվել:

Այսօր ձեզ եմ ներկայացնում Covid-19 Armenia հավելվածը, որը ստեղծվել է Հայաստանում և ամբողջությամբ հայ մասնագետների աշխատանքի արդյունքն է: Ձեզ արդեն ծանոթ AC19 հավելվածի (որը այլևս չի գործելու) տվյալների բազաները տեղափոխվել են Covid-19 Armenia:

📌Հավելվածի ամենակարևոր կետը օգտատիրոջ բժշկական թեստավորումն է: Մի շարք հարցերի պատասխանների արդյունքում համակարգը գնահատում է Ձեր առողջական վիճակը և անհրաժեշտության դեպքում խորհուրդ տալիս թե ինչ քայլեր ձեռնարկել: Բացի այդ, ռիսկի գոտում հայտնված օգտատերերի հետ կապ կհաստատեն պարետատան համաճարակաբանները և կանցկացնեն հարցազրույց, որի արդյունքում կորոշեն թե արդյոք անձը կարիք ունի հետագա բժշկական ուշադրության: Կարևոր է խուսափել սխալ տվյալներ մուտքագրելուց, որպեսզի բժիշկները կապ հաստատեն իրապես օգնության կարիք ունեցողների հետ:

Covid-19 Armenia-ն բազմաֆունկցիոնալ է ու ներառում է նաև վերջին նորությունները կորոնավիրուսի դեմ պայքարի մեր գործողությունների վերաբերյալ, առողջապահական խորհուրդներ տարբեր իրավիճակներում վարակից զերծ մնալու մասին, կորոնավիրուսի հետ կապված վերջին վիճակագրությունը և այլն:

Հավելվածում կարող եք լրացնել ու պահպանել այս օրերին անհրաժեշտ տեղաշարժման թերթիկի էլեկտրոնային տարբերակը:

Covid-19 Armenia-ն աշխատում է Android ու iOS համակարգով հեռախոսներում և հասանելի է

✅թե՛ Google Play (https://play.google.com/store/apps/details?id=am.gov.covid19)

✅թե՛ AppStore (https://apps.apple.com/am/app/covid-19-armenia/id1505830061) հարթակներում:

Կարդացեք նաեվ

Հայաստանում և Արցախում եռօրյա սուգ է

Irina Abovyan

Արցախում վիրավորված զինծառայողները և կամավորականները հաշմանդամության կարգ ստանալու համար պետք է մոտենան ՀՀ-ում Արցախի կառավարության օպերատիվ շտաբ

Irina Abovyan

Վաղը գազամատակարարման անջատումներ են սպասվում Էրեբունի վարչական շրջանում և Սևանում

Irina Abovyan

Ողբերգական ավտովթար. վարորդը մահացել է. 4-ամյա երեխայի վիճակը ծանր է

Irina Abovyan

Ինչ եղանակ է սպասվում առաջիկա օրերին

Irina Abovyan

Ով է միակ պատգամավորը, որ արտակարգ դրության պայմաններում շարունակել է ստանալ պարգևավճար

Irina Abovyan