Հասարակություն

Հռիփսիմե Խուրշուդյանի որդիների տարբերությունն ու ամենամեծ դժվարությունը

Հռիփսիմե Խուրշուդյանի եւ Տարոն Թովմասյանի կրտսեր որդին օրերս դարձել է 5 ամսական: Մարզուհին BRAVO.am-ին հայտնել է, որ փոքրիկների խնամքով ինքն է զբաղվում, բայց քանի որ այս շրջանում տեղափոխվել են ամուսնու հայրական տուն, օգնում է նաեւ սկեսուրը:



Հռիփսիմեն պատմել է, որ ինքն ու ամուսինը քաղաքից դուրս առանձանտուն են կառուցում, որպեսզի առաջիկայում տեղափոխվեն այնտեղ բնակվելու: Երկրում տիրող արտակարգ դրությամբ պայմանավորված՝ շինարարական աշխատանքները ժամանակավորապես դադարեցրել են:

Տարոն Թովմասյանը՝ որդու հետ


Խոսելով տղաների մասին՝ նա նշել է, որ ոչ միայն արտաքնապես են տարբեր, այլեւ խառնվածքով.«Աշոտս սեւ աչքեր ու մազեր ունի, իսկ մեր փոքրիկը՝ Մարկը, կապուտաչյա է եւ ոսկեծամ: Ի տարբերություն մեծ եղբոր, նա շատ ժպտերես, աշխույժ փոքրիկ է»:

Հռիփսիմեն խոստովանել է, որ ավագ որդին փոքր-ինչ խանդում է, երբ սիրում են եղբորը.«Երբ մի քաղցր խոսք եմ ասում պուճուրին, ասում է՝ «Մամա, բա ի՞նձ, բա ե՞ս»: Հարցերով սպանում է(ծիծաղում է,-հեղ.): Բայց միեւնույն ժամանակ շատ ուշադիր է, խաղում է հետը, որ հանկարծ լաց չլինի»:

Աշոտը


Մարկի՝ հինգ ամսական դառնալու առթիվ տորթն ինքն է պատրաստել.«Սկզբում պատվիրում էի, իսկ այժմ ինքս եմ թխում ու շատ լավ է ստացվում: Հագուստն ու տորթը նույն թեմայով ենք ընտրում: Հիշողության համար նաեւ լուսանկարում ենք: Մեզ հյուր են գալիս քույրերս՝ իրենց բալիկների հետ»:

Փոքրիկ Մարկը


Հռիփսիմեի խոսքով՝ բավական դժվար է փոքրիկի խնամքը համատեղել տղայի դասերի հետ.«Բայց ես մեծ սիրով եմ անում: Ամեն գործ իր դժվարությունն ունի, իսկ բազմազավակ մայրիկները հերոսներ են: Առաջնեկիս ամեն լացից եւ անհանգիստ վիճակից վախենում էի, այժմ ամեն բան այլ է, լավ փորձ ունեմ, երբեմն ես էլ զարմանում եմ ինձ վրա»:

Կարդացեք նաեվ

Ադրբեջանի քաղաքացին հանձնվել է ՀՀ սահմանապահներին, որ Ադրբեջանում չդատվի. ԱԱԾ-ն չի մեկնաբանում

Irina Abovyan

Գիշերվա ընթացքում հակամարտության գոտում հարաբերական կայուն լարվածությունը պահպանվել է․ առավոտյան հյուսիսային և հարավարևելյան ուղղություններով հակառակորդը վերսկսել է հրետանային ակտիվ կրակը․ ՊՆ

Irina Abovyan

ՏԵՍԱՆՅՈՒԹ. Հայաստանում և Արցախում եռօրյա սուգ կլինի

Irina Abovyan

ՌԴ-ում տուն է հրդեհվել․ կա 8 զոհ, որոնցից 6-ը՝ երեխաներ (տեսանյութ)

Irina Abovyan

Որո՞նք են սրտի համար առավել վնասակար ուտելիքները

Irina Abovyan

43-ամյա տղամարդը ձերբակալվել է՝ ընկերոջ հորաքրոջ սպանության կասկածանքով. ՀՔԿ

Irina Abovyan