Հասարակություն

Որոնք են վիտամին D-ի օգտակար հատկությունները և ինչ խնդիրներ են առաջանում այս տարրի դեֆիցիտի դեպքում

Վիտամին D-ն շատ կարևոր տարր է, որի մեծ մասը մարդը ստանում է արևի լույսի ազդեցության ներքո մաշկի շերտերում տեղի ունեցող յուրահատուկ ռեակցիաների շնորհիվ: Առհասարակ՝ արևի լույսի ազդեցությունը շատ մեծ նշանակություն ունի: Գիտնականները նույնիսկ ապացուցել են, որ այն երկրներում, որտեղ արևի լույսի պակաս է լինում և մարդիկ չեն ստանում բավարար քանակությամբ վիտամին D, ավելի շատ են լինում ցրված սկլերոզի դեպքեր:

Սակայն սա վիտամին D-ի միակ դրական հատկություն չէ: Ձեր ուշադրությանն ենք ներկայացնում այս կարևոր տարրի ամենաօգտակար հատկությունները

Ամրապնդում է ոսկորները

Վիտամին D- ն օգնում է օրգանիզմին հեշտությամբ յուրացնել կալցիումը, ինչը հատկապես կարևոր է տարեց հասակում: Այս վիտամինը շատ կարևոր է նաև երեխաների համար, քանի որ օգնում է կանխել ռախիտը:

Ազդում է ինչպես հորմոն

Վիտամին  D-ն յուրահատուկ տարր է, որն ազդում է և՛ որպես վիտամին, և՛ որպես հորմոն: Առաջին դեպքում այն պահպանում է արյան պլազմայում ֆոսֆորի և կալցիումի մակարդակը, իսկ երկրորդ դեպքում՝ ազդում է աղիների, երիկամների ու մկանների բջիջների վրա՝ խթանելով կրիչ-սպիտակուցի արտադրությունն ու արագացնելով որոշ նյութերի վերակլանումը (ռեաբսորբացիա):

Պաշտպանում է շաքարային դիաբետից

Որոշ ուսումնասրություններ ցույց են տվել, որ վիտամին D-ի պակասի և շաքարային դիաբետի միջև կա անմիջական կապ: Իհարկե դեռ չի կարելի պնդել, որ այս վիտամինը բուժում է շաքարային դիաբետը, սակայն օրգանիզմում դրա առկայությունը կարող է զգալիորեն պաշտպանել հիվանդության առաջացումից:

Նպաստում է ավելորդ կիլոգրամներից ազատվելուն

Ճարպակալումից տառապող հիվանդների օրգանիզմում հաճախ լինում է վիտամին D-ի պակաս, քանի որ «վատ» ճարպը կլանում է այս անհրաժեշտ տարրը: Ուսումնասիրությունները ցույց են տվել, ցածր կալորիականությամբ դիետայի ընթացքում վիտամին D ընդունելը բարենպաստ ազդեցություն է ունենում ոչ միայն առողջական վիճակի, այլև կազմվածքի վրա:

Կապված է դեպրեսիաների հետ

Վիտամին D-ն անհրաժեշտ է գլխուղեղի զարգացման ու ճիշտ աշխատանքի համար, իսկ դեպրեսիաներից տառապող հիվանդների մոտ հաճախ ախտորոշվում է վիտամին D-ի դեֆիցիտ:

Պաշտպանում է քաղցկեղից

Որոշ ուսումնասիրություններ ցույց են տվել, որ արյան մեջ բավարար քանակությամբ վիտամին D-ի առկայությունը պաշտպանում է աղիների, կրծքագեղձի և շագանակագեղձի քաղցկեղից: Սակայն, միևնույն ժամանակ, որոշ գիտնականներ էլ ենթադրում են, որ վիտամին D-ն նպաստում է ենթաստամոքսային գեղձի քաղցկեղի առաջացմանը:

Ազդում է սրտանոթային համակարգի աշխատանքի վրա

Վիտամին D-ի պակասը կարող է հանգեցնել սրտանոթային համակարգի հետ կապված խնդիրների առաջացմանը, սակայն միևնույն ժամանակ՝ դրա ավելցուկի դեպքում արյան շիճուկում բարձր է լինում կալցիումի մակարդակը, ինչը կարող է վնասել անոթներն ու սրտամկանը:

Ազդում է գլխուղեղի աշխատանքի վրա

Տարեց մարդկանց մոտ հաճախ է նկատվում վիտամին D-ի դեֆիցիտ, և վատանում է հիշողությունն ու կենտրոնացումը: Սակայն այս վիտամինը նպաստում է օրգանիզմի կողմից կալցիումի և մագնեզիումի հեշտ յուրացմանը՝ միաժամանակ օգնելով օրգանիզմին վերականգնել նյարդերը պաշտպանող թաղանթը: Սա է պատճառը, որ այս վիտամինը ներառվում է ցրված սկլերոզի համալիր թերապիաներում:

Կարդացեք նաեվ

Կինը կարող է հազար անգամ ներել, բայց եթե հեռանում է, ուրեմն ամեն ինչ վերջացած է

Irina Abovyan

Արտակարգ դեպք Երևանում. պտտահողմը մի քանի րոպեում ԱՊՀ տարածքում նմանը չունեցող, եվրոպական չափանիշներին համապատասխան խոզաբուծարանի գոմերի մի քանի տանիք պոկել ու մոտ 600 մետր շպրտել է.ՖՈՏՈՌԵՊՈՐՏԱԺ

Irina Abovyan

Իրավապաշտպանները նշել են 8 պայման, որոնց ապահովման դեպքում քաղաքացիներին հետևելը կարող է թույլատրելի համարվել. միջազգային 100 կազմակերպությունների հայտարարությունը

Irina Abovyan

Հայաստանում այս պահին կա 100 հազարից ավել վարակակիր. վարչապետ

Irina Abovyan

Երեկ երեկոյան համար 174 դպրոցի մոտ կրակոցներ են հնչել․ 20-ամյա երիտասարդ է հոսպիտալացվել

Irina Abovyan

Իսկական բնական բուժիչ միջոց․ Պատճառներ, որոնք կստիպեն ձեզ ամեն օր կիվի ուտել

Irina Abovyan