Հասարակություն

Ճանապարհելուց առաջ նռնակ տվեց, ասաց՝ հանկարծ գերի չընկնես. տեղի ունեցավ փոխգնդապետ Արթուր Հակոբյանի հոգեհանգիստը

iPress.am – Ջաբրայիլի զորամասի շտաբի պետ Արթուր Հակոբյանը սեպտեմբերի 27-ից մասնակցում էր պատերազմին։ Նա նահատակվել էր հոկտեմբերի 5-ին, սակայն աճյունը հարազատների է հանձնվել երեկ՝ ապրիլի 21-ին։ Այսօր նրա հոգեհանգիստն էր։

«Հոկտեմբերի 4-ի առավոտյան մենք առաջադրանքով շարժվեցինք դիրքերից և ընկանք շրջափակման մեջ մի ամբողջ օր։ Ինքը, երբ իմացել էր դա, վիլիսով շարժվել էր դեպի զորամաս, ու այդ պահին կրակել էին ավտոմեքենայի վրա։

Մենք շրջափակումից դուրս եկանք և իմացանք, որ Արթուրը զոհվել է։ Բայց չկարողացանք իրեն դուրա բերել, հակառակորդն առաջ էր գալիս»,- NEWS.am-ի հետ զրույցում պատմեց Արթուր Հակոբյանի մարտական ընկերը՝ Նշան Հակոբյանը։

Փոխգնդապետ Հակոբյանը պարտաճանաչ ու խստապահանջ հրամանատար էր, որին զինվորները և ենթակա սպաները մեծագույն հարգանքով էին վերաբերվում։

«Ամսի 3-ին՝ մեր վերջին հանդիպմանը մենք առանձնազրույց ունեցանք։ Առաջին անգամ ես իրեն տեսա հուզված։ Նա կանխատեսում էր և իր մահը, և պատերազմի ելքը։

Ինձ ճանապարհելուց առաջ նռնակ տվեց, ասաց՝ գիտեմ՝ ուժեղ ես, վերջին պահին հանկարծ գերի չընկնես։ Ինձ հերոս ընկեր պետք չէ, բայց գերի էլ պետք չէ»,- նշեց Նշան Հակոբյանը։

Փոխգնդապետ Արթուր Հակոբյանն ամուսնացած էր, ուներ մեկ որդի։ Նրա հուղարկավորությունը տեղի կունենա վաղը՝ ապրիլի 23-ին, Գառնիում։

Կարդացեք նաեվ

Արդեն լավ եմ, վաղվանից կլինեմ շարքում. ես իմ բանակին երբեք չեմ լքի. Արծրուն Հովհաննիսյան

Irina Abovyan

«Բոլորս՝ երեխա ունենալու». Նիկոլ Փաշինյան

Irina Abovyan

Հակառակորդը ՀՀ տարածում մարտական տեխնիկա է թիրախավորել. Արծրուն Հովհաննիսյան

Irina Abovyan

Կարբի գյուղում խոշոր ավտովթարի հետևանքով հիվանդանոց տեղափոխված 4 վիրավորներից 3-ը մահացել են. նշված վթարից մահացածների թիվը դարձավ 4. ՏԵՍԱՆՅՈՒԹ

Irina Abovyan

«Ոչ ոք չի գալիս մեզ տանի». խաշթառակցի երեխաները տուն ՝ տատիկի մոտ են ուզում գնալ

Irina Abovyan

Գնացել էինք կարտոֆիլ քանդելու, ընկավ, տրաքեց. եթե չհասցնեինք փախնել, սաղ չէինք մնա

Irina Abovyan