Քաղաքականություն

Պետք է համոզված լինենք, որ ի վիճակի ենք ընթացք տալ ներդրումային բոլոր խելամիտ առաջարկներին. վարչապետ

Վարչապետ Նիկոլ Փաշինյանի գլխավորությամբ կառավարությունում այսօր տեղի է ունեցել խորհրդակցություն՝ ներդրումային քաղաքականության ընթացքի և խթանման վերաբերյալ: Քննարկմանը մասնակցել են շահագրգիռ պետական գերատեսչությունների ղեկավարներ և ներկայացուցիչներ:

Վարչապետը նշել է, որ Պետական վերահսկողական ծառայությունն ուսումնասիրություններ է իրականացրել պետական մարմինների կողմից ներդրումային առաջարկներին տրվող արձագանքի որակի առնչությամբ, և խորհրդակցության նպատակն այդ դիտարկումների, նաև առաջիկա շրջանում ներդրումների խթանման ուղղությամբ անելիքների քննարկումն է:

«Կարծում եմ՝ հետկորոնավիրուսային շրջանում այս թեման առավել մեծ կարևորություն է ունենալու, և մենք պետք է համոզված լինենք, որ ի վիճակի ենք վերլուծել և ընթացք տալ ներդրումային բոլոր խելամիտ առաջարկներին, որոնք մեզ պիտի օգնեն հաղթահարել տնտեսական ճգնաժամը, որն անխուսափելի է»,– նկատել է Նիկոլ Փաշինյանը:

ՊՎԾ ուսումնասիրության արդյունքների քննարկման համատեքստում անդրադարձ է եղել ներդրումային ծրագրերի ընթացիկ իրավիճակին, առկա խնդիրներին և դրանց հնարավոր լուծումներին: Քննարկվել են կառուցապատման, զբոսաշրջության ենթակառուցվածքների, պետական գույքի կառավարման, հուշարձանների պահպանության և մի շարք այլ ոլորտներում առկա ծրագրերը: Պատասխանատուները մանրամասներ են ներկայացրել դրանց իրականացման ընթացքի վերաբերյալ: Արծարծվել են ներդրումային նախագծերի չափանիշներին, դրանց հաստատման արդյունավետ մեխանիզմներին, մրցութային գործընթացին առնչվող հարցեր:

Վարչապետը նշել է, որ կառավարության նպատակը ներդրումային քաղաքականության խթանմանը միտված ընթացակարգերի արագ, հստակ, որակյալ կազմակերպումն է և պետություն-ներդրող գործուն կապի ապահովումը, պոտենցիալ ներդրողներին աջակցությունը: Դրա համար պետք է ֆիլտրել ներդրումային առաջարկները, արձանագրել իրատեսականները և հնարավորինս արագ արձագանքել:

Կառավարության ղեկավարը հանձնարարել է լրամշակել մտքերի փոխանակության շրջանակում հնչած առաջարկները և ներկայացնել քննարկման:

Կարդացեք նաեվ

Ինչու՞ է Թուրքիան աջակցում Նիկոլ Փաշինյանին. Վլադիմիր Սոլովյով

Irina Abovyan

Հայրենիք չեն փրկում, իրենց գողոնն են ուզում փրկել` չի ստացվելու. Լևոն Շիրինյան

Irina Abovyan

Երևան-Արարատ մայրուղին փակել են.Ալինան հասավ այնտեղ.Ի՞նչ է կատարվում..

Irina Abovyan

Սերժ Սարգսյանի առջև ժամկետ է դրված՝ հեռացնել Փաշինյանին իշխանությունից. քննարկում՝ 24TV-ում

Irina Abovyan

Տիգրան Արզաքանցյանի սիրո պարը

Irina Abovyan

ԺԵԽԸ ԴՈՒՔ ԵՔ, ՔԱՆԻ ԱԶԳՈՎԻ ԹՔՈՒՄ ԵՆ ՁԵՐ ՎՐԱ․․․ հավաքվեք` դու, չիբուռաշկեն, քոռը և պատասխան տվեք․

Irina Abovyan