Հասարակություն

Մինչև 18 տարեկան երեխա և չգրանցված աշխատանք ունեցող ծնողներին յուրաքանչյուր երեխայի համար կտրվի 26.500 դրամ նպաստ

Կորոնավիրուսի տնտեսական հետևանքների չեզոքացման համար կառավարությունը ապրիլի 2-ի նիստում ընդունեց իններորդ միջոցառման փաթեթը, որով նախատեսվում է միանվագ դրամական աջակցություն հատկացնել  սոցիալական խնդիրների առջև կանգնած մինչև 18 տարեկան երեխաներ ունեցող ընտանիքներին:

Այս միջոցառման շահառու կարող են հանդիսանալ բոլոր այն ընտանիքները, որոնք ունեն մինչև 18 տարեկան երեխա, և առկա է հետևյալ հանգամանքներից որևէ մեկը.

  • երեխայի ծնողները չեն ունեցել գրանցված աշխատանք 2020թ. մարտի 12-ի դրությամբ և չեն ընդունվել ժամանակավոր կամ մշտական գրանցված աշխատանքի 2020թ. մարտի 12-ից մինչև 2020թ. մարտի 31-ն ընկած ժամանակահատվածում:
  • երեխայի ծնողները չեն ունեցել գրանցված աշխատանք 2020թ. մարտի 12-ի դրությամբ և նրանցից մեկը չի ընդունվել ժամանակավոր կամ մշտական գրանցված աշխատանքի 2020թ. մարտի 12-ից մինչև 2020թ. մարտի 31-ն ընկած ժամանակահատվածում:
  • երեխայի ընտանիքը 2020թ. մարտի 12-ի դրությամբ հաշվառված չի եղել ընտանիքների անապահովության գնահատման համակարգում կամ ընտանիքի անապահովության միավորը ցածր է 28.01-ից:
  • երեխայի միայնակ ծնողը չի ունեցել գրանցված աշխատանք 2020թ. մարտի 12-ի դրությամբ և չի ընդունվել ժամանակավոր կամ մշտական գրանցված աշխատանքի 2020թ. մարտի 12-ից մինչև 2020թ. մարտի 31-ն ընկած ժամանակահատվածում:
  • երեխայի ծնողները կամ ծնողներից մեկը 2020թ. մարտի 31-ի դրությամբ չի հանդիսացել անհատ ձեռնարկատեր, ում գործունեությունը նույն ամսաթվի դրությամբ ՀՀ օրենսդրությամբ սահմանված կարգով դադարեցված չի եղել:

Աջակցությունը տրամադրվում է միանվագ դրամական վճարի ձևով՝ յուրաքանչյուր երեխայի համար 26.500 ՀՀ դրամ գումար:

Աջակցությունը տրամադրվում է ծնողներից մեկի կողմից online.ssa.am կայքէջին սահմանված կարգով էլեկտրոնային եղանակով ներկայացրած դիմումի հիման վրա:

Այս միջոցառման շահառու չեն կարող հանդիսանալ այն ընտանիքները, որտեղ երեխայի ծնողները կամ ծնողներից մեկը 2020թ. հունվարի 1-ից մինչև 2020թ. մարտի 1-ն ընկած ժամանակահատվածում ունեցել է գրանցված հիմնական կամ ժամանակավոր աշխատանք և այդ ժամանակահատվածում ծնողների միջին ամսական աշխատավարձի հանրագումարի, կամ ծնողներից մեկի միջին ամսական աշխատավարձի չափը գերազանցել է 500.000 dրամը:

Նյութի աղբյուր168.am

Կարդացեք նաեվ

«Չինարիի հրետակոծման պահին վնասված տանը եղել են չորս երեխա»

Irina Abovyan

Այս երեսուն տարիների ընթացքում առաջին անգամն է, երբ…հզոր գրառում մեր հզոր ղեկավարների մասին

Irina Abovyan

Իբր պատերազմի օրերին զանգել եմ Սեմյոն Պեգովին և պահանջել՝ հեռանա Արցախից. Վահրամ Պողոսյան

Irina Abovyan

ԱԱԾ աշխատակիցները մտել են Ոստիկանության Դավիթաշենի բաժանմունք. շենքը շրջափակված է

Irina Abovyan

Մասնագետը ներկայացրել է դեղորայքի երկու տեսակ, որոնք ոչ մի դեպքում չի կարելի կիրառել COVID-19-ի ժամանակ

Irina Abovyan

ՏԵՍԱՆՅՈՒԹ. Ստեփանակերտում վնասազերծվել է թալանով զբաղվող 4 քաղաքացի

Irina Abovyan