Հասարակություն

Բողոքներ կան, որ փողը տալիս են նույն ձեռնոցով, որով կշռում են ուտելիքը

Կորոնավիրուսի տարածումը կանխելու նպատակով մարտի 16-ից ապրիլի 14-ը հայտարարված արտակարգ դրությունը փոփոխություններ մտցրեց նաև սուպերմարկետներում, շուկաներում, խանութներում սպառող-վաճառող հարաբերություններում։

Լինում են խանութներ, որտեղ կարելի է հանդիպել առանց բժշկական դիմակի և ձեռնոցների վաճառողների։ Պատահում է, որ սուպերմարկետ մուտք գործելիս այնպիսի բծախնդրության ես հանդիպում, երբ պահանջում են նախապես ախտահանել ձեռքերը։ Այս՝ միմյանց հակադրվող իրականության մեջ շատ դժվար է սպառողի համար կողմնորոշվելը։

Սպառողների իրավունքների խախտման հետ կապված ի՞նչ խախտումներ են արձանագրել «Սպառողների ասոցիացիա» և «Սպառողների ազգային ասոցիացիա» հասարակական կազմակերպությունները։

«Սպառողների ասոցիացիա» ՀԿ նախագահ Արմեն Պողոսյանը «Առաջին լրատվական»-ի հետ զրույցում նշում է, որ արտակարգ դրության օրերին ստացել են բողոքներ, որոնք արձանագրում են խախտումներ։

«Կարծում եմ, որ հիմա մանկական հաստատություններին պետք է առանձնակի ուշադրություն դարձնել։ Երեխան մանկապարտեզում ուտում է սնունդը, այդ սննդից պետք է պահվի, որպեսզի անհրաժեշտության դեպքում պարզվի, թե նա ինչից է վատ զգում։ Այդ բանը չի արվում տարիներ շարունակ, ամեն տեղ ասել եմ այդ մասին՝ ընդհուպ վարչապետի աշխատակազմում։ Հասարակությունը պետք է համոզվի, որ երեխաների առողջությունը հուսալի ձեռքերում է։ Եթե երեխայի փորը ցավում է, նրան տանում են հիվանդանոց, պետք է սնունդը լաբորատոր ստուգեն։ Դեպք է եղել, երբ 2,5 տարեկան աղջիկը մանկապարտեզից հիվանդանոց ընկած ճանապարհին մահացել է։ Երբ ես այդ մասին ասացի սննդամթերքի անվտանգության տեսչական մարմնի գլխավոր մասնագետին, նա ասաց՝ կարող է ուրիշ բանից է մահացել։ Եվ այդպիսի մարդիկ ղեկավարում են բոլորիս առողջությունն ու կյանքը»,- ասաց Արմեն Պողոսյանը։

Խախտումների վերաբերյալ Արմեն Պողոսյանը նշեց, որ իրենք չեն արձանագրում, թե դրանք որ խանութներում են եղել, սակայն շատացել են բողոքները։ Ըստ նրա՝ օրական 3-5 բողոք է ստանում։

«Բողոքում են, որ փողը տալիս են նույն ձեռնոցով, որով կշռում են ուտելիքը։ Այդ կարգի բողոքներ ստանում եմ հաճախ։ Ինձ դիմող մարդկանց ես խորհուրդ եմ տալիս դիմել Սննդամթերքի անվտանգության տեսչական մարմին, թող այնտեղ հաշվառում անեն։ Իրենց մոտ պետք է լինի հաշվառումը, թե քանի բողոք են ստացել և ինչ են արել»,- ասաց մեր զրուցակիցը։

Բողոքները, ըստ նրա, լինում են երկու տեսակի։ Մեկը վերաբերում է հակահիգիենիկ պայմաններին, մյուսը, երբ սնունդը ժամկետանց է լինում, կամ ամսաթվերը հստակ նշված չեն լինում։

Արմեն Պողոսյանը նշում է․ «Ասենք՝ մարդը խմորեղեն է գնում, այն տանում է տուն, տանում է տուն, տեսնում, որ կրեմի գույնը փոխած է։ Ես բողոքող մարդուն ասում եմ, որ դիմի Սննդամթերքի անվտանգության տեսչական մարմին»։

«Սպառողների ազգային ասոցիացիա> ՀԿ նախագահ Մելիտա Հակոբյանն էլ ասում է, որ իրենք էլ տնից դուրս չեն գալիս, ընդամենը երկու մարկետոլոգ շրջում են, գրանցում են խախտումները։ Օնլայն և հեռախոսով ստանում ենք բողոքներ, որ ժամկետանց ապրանքներ են առաքում»,- ասաց Մելիտա Հակոբյանը։

Հարցին, թե ստացե՞լ են արդյոք բողոքներ ու դիմումներ, որոնք վերաբերել են վաճառողների՝ առանց ձեռնոցների և դիմակների սպասարկելուն։

«Ես անձամբ մի քանի սուպերմարկետներ գնացել եմ, որովհետև այդպիսի խոսակցություններ եղել են։ Սակայն տեսել ենք, որ ախտահանում են ձեռքերը, դիմակները երկու ժամը մեկ փոխում են։ Դրական բաներ կան»,- ասաց Մելիտա Հակոբյանը։

Նյութի աղբյուր1in.am

Կարդացեք նաեվ

Երևանում օդը մաքրվել է. Մասնագետի պնդմամբ՝ ցուցանիշները պետք է ավելի բարձր լինեին

Irina Abovyan

Իմ համար պատերազմը սկսվել է սեպտեմբերի 27-ին ու տևել է մինչև երեկ. մոտ 2 ամիս որդուց լուր չլսած ծնող

Irina Abovyan

Ողբերգական դեպք. «Սուրբ Աստվածամայր» բժշկական կենտրոնում Մասիսի հիվանդանոցից տեղափոխված 5-ամյա երեխան մահացել է

Irina Abovyan

Մի՞ֆ, թե՞ իրականություն. արդյոք սխտորը, օղին կորոնավիրուսի դեմ արդյունավետ պայքարի միջոցնե՞ր են

Irina Abovyan

Հայաստանի սահմանին Ադրբեջանի ռազմական տեխնիկայի կուտակումներ են

Irina Abovyan

Ադրբեջանական «Elbit Hermes 900» ԱԹՍ-ի խոցումը. ՊՆ-ն տեսանյութ է հրապարակել

Irina Abovyan