Շոու-բիզնես

«Սա լավ առիթ էր` իրարից կարոտներս առնելու համար». Շուշաննա Թովմասյանը՝ ամուսնու հետ մեկուսանալու մասին

BRAVO.am-ն իր ընթերցողներին տեղեկացրել է, որ երկրում տիրող արտակարգ դրության պատճառով դադարեցվել են «Սիրուն Սոնայի» նկարահանումները: Փոխված առօրյայի մասին զրուցել ենք սերիալում Սոնայի դերակատար Շուշաննա Թովմասյանի հետ: Նա եւ ամուսինը՝ ռեժիսոր Վահե Սայանը, օգտվելով առիթից, վայելում են միմյանց ներկայություն ու զբաղվում կուտակված տնային գործերով:



«Վիրուսի աննախադեպ տարածումն ու աշխարհում տիրող այս ծանր իրավիճակը բոլորիս տագնապի մեջ է պահում: Յուրաքանչյուրս պետք է զգոն լինենք, հոգ տանենք մեր, մեր մտերիմների եւ նույնիսկ անծանոթների առողջության մասին: Պետք է հնարավորինս ենթարկվենք օրենքի ներկայացուցիչների հորդորներին եւ պահենք հասարակական կարգը: Վատ նորությունները, ապատեղեկատվությունները շատ են ընկճում, բայց փորձում եմ իրավիճակին դրական կողմից նայել. սա միգուցե լավ առիթ է մեր առօրյա հոգսերից, աշխատանքային ծանրաբեռնվածությունից մի փոքր ազատվելու եւ մեր մտերիմներին հետ շատ ժամանակ անցկացնելու համար: Վերջին օրերին գերլարված ենք աշխատել. մոտ 24 ժամ նկարահանումներ ենք իրականացրել, որ կարողանանք մինչեւ իրավիճակի հանդարտվելն ամեն երեկո մեր հեռուստադիտողների ժամանցն ապահովել: Հուսով եմ՝ այս ամենը շուտ կավարտվի, եւ կկարողանաք կրկին նկարահանման հրապարակ վերադառնալ»,- ասել է Շուշաննան:
3

Շուշաննա Թովմասյանը եւ Վահե Սայանը


Հարկադիր պարապուրդը նպատակային է օգտագործում.«Օգտվելով առիթից՝ զբաղվում եմ տնային գործերով, որոնք շատ-շատ են. ամեն անգամ զբաղված առօրյայի պատճառով հետաձգում էի: Մաքրություն եմ անում, համեղ ուտելիքներ պատրաստում, ամուսնուս հետ հաճելի ժամանակ անցկացնում: Ամեն երեկո հետաքրքիր ֆիլմեր ենք դիտում, մասնագիտական քննարկումներ անում, կարծիքներով փոխանակվում: Սա լավ առիթ էր իրարից կարոտներս առնելու համար. երկուսիս աշխատաժամերն էլ շատ խիտ են, ու ոչ հաճախ է պատահում միասին տանը լինել ու վայելել: Հիմա այդ բացերն ենք լրացնում: Վահեն կենցաղային հարցերում բծախնդիր չէ, հակառակը՝ շատ է օգնում ինձ»,- նշել է նա:

Պահեստավորված սնունդ միշտ են ունենում.«Անկախ արտակարգ դրությունից՝ մեր տանը միշտ պահեստավորված չփչացող սնունդ, տնտեսական պարագաներ եւ մաքրող միջոցներ ունենում ենք: Այս օրերին շատ գնումներ չենք արել, երկուսով ենք ապրում, առանձնապես շատ սնունդ առնելու անհրաժեշտություն էլ չկա: Դուրս ենք գալիս միայն թարմ հաց կամ բանջարեղեն գնելու համար»:

«Աշխատանքային եւ անձնական մի շարք ծրագրեր ունեինք, որոնք անժամկետ հետաձգվեցին: Մանկական մի ներկայացման մեջ եմ ընդգրկված, որի փորձերն ընթացքի մեջ էին, իսկ թե երբ կխաղանք, դեռ պարզ չէ»,- եզրափակել է Շուշաննան:

Կարդացեք նաեվ

Առանց շպարի. Հռիփսիմե Հակոբյանի լուսանկարը

Irina Abovyan

Նունե Եսայանը, Արամ Mp3-ը, Գարիկը, արամեն և ալ հայտնիներ անակնկալ են պատրաստում

Irina Abovyan

«Ես ընտանիք չեմ քանդել». Անահիտ Կիրակոսյանն առաջին անգամ խոսում է 18-ամյա և 16-ամյա աղջիկների հետ ունեցած խնդիրների և նրանց մայրիկի մասին

Irina Abovyan

Տեսեք՝ ինչ օրն է գցել Սոս Ջանիբեկյանի դուստրը հայրիկին գիշերվա կեսին

Irina Abovyan

«Կարեւոր։ Պահենք մեր դիրքերը նաեւ թվային հարթակներում»․ Մկրտիչ Արզումանյանը կոչով դիմել է ընկերներին

Irina Abovyan

Մարիամ Մելիքյանը դիտավորյալ ընկերուհու ծննդյան խնջույքին այսպես է հագնվել՝ փորիկը թաքցնելու համար

Irina Abovyan