Հասարակություն

Կորոնավիրուսը որքա՞ն երկար է «կենսունակ» մնում մակերեւույթներին. CDC

Կորոնավիրուսային ինֆեկցիան կարող է մակերեւույթների վրա «կենսունակ» մնալ ընդհուպ մինչեւ 17 օր: Մասնագետներն այսպիսի եզրակացության են հանգել զբոսաշրջային նավերում վարակման դեպքերն ուսումնասիրելուց հետո, հաղորդվում է ԱՄՆ Հիվանդությունների վերահսկման եւ կանխարգելման կենտրոնների (CDC) զեկույցում:

Նոր կորոնավիրուսի ՌՆԹ-ն վարակված պացիենտների նավախցերում է հայտնաբերվել 17 օր հետո այն բանից, երբ նրանք այդ սենյակներն ազատել էին: Հատկանշական է, որ կորոնավիրուսային ինֆեկցիայի հետքեր հայտնաբերվել են բոլոր պացիենտների նավախցերում՝ ինչպես նրանց, ում մոտ ախտանիշներ եղել են, այնպես էլ նրանց, ում մոտ չեն եղել: Ախտահանումից հետո կորոնվիրուսի հետքերը երկրորդ անգամ հայտնաբերել չի հաջողվել:

Մասնագետների խոսքով՝ այս տվյալները չեն կարող երաշխավորված մատնացույց անել այն, որ վարակումը տեղի է ունեցել մակերեւույթների հետ ֆիզիկական շփման միջոցով: Սակայն Հիվանդությունների վերահսկման եւ կանխարգելման կենտրոնների զեկույցում նշվում է, որ նման հնարավորություն գոյություն ունի:

Այս պատճառով մասնագետները խորհուրդ են տալիս կորոնավիրուսի համավարակի ժամանակ հրաժարվել զբոսաշրջային նավերով եւ տուրիստական այլ տրանսպորտով ուղեւորություններից: Գիտնականները նշել են, որ փակ տարածքներում մեծ թվով մարդկանց կուտակումը եւ ուղեւորների ինտերնացիոնալ կազմը վարակման հավանականությունը մեծացնում է: Ըստ CDC-ի տեղեկությունների՝ այս պահին գրանցվել է զբոսաշրջային նավերում COVID-19-ով վարակվելու 800-ից ավելի դեպք, 10 պացիենտ մահացել է:

COVID-19-ի այդպիսի բռնկումներից մեկը գրանցվել էր Diamond Princess զբոսաշրջային նավում, որը Ճապոնիայի ափերին կառանել էր փետրվարին: Նավում ընդհանուր կար 3700 ուղեւոր, որոնցից 705-ը վարակվել էր: Ինֆեկցիայի փոխանցողն էր Չինաստանի 80-ամյա բնակիչը:

Կարդացեք նաեվ

Կանանց պետք է գնահատել ամեն օր. ստեղծագորող կանայք շնորհավորում են Մարտի 8-ը

Irina Abovyan

Ինչպիսի ջերմաչափով է ավելի լավ չափել ջերմությունը COVID-19 համավարակի պայմաններում

Irina Abovyan

«ՀԷՑ»-ը տեղեկացնում է. Լույս չի լինելու

Irina Abovyan

Ինչպես մաքրել արդուկն ընդամենը մի քանի վայրկյանում

Irina Abovyan

Ամուսնալուծված կնոջ խորհուրդները բոլոր ամուսնացած կանանց

Irina Abovyan

«Ուզում եմ գնաք մի քիչ կազդուրվեք, շարունակեք ձեր ծառայությունը»․ Արայիկ Հարությունյանը՝ թշնամու գրոհն այսօր ետ մղած տղաներին

Irina Abovyan