Հասարակություն

Իսպանիայում կորոնովիրուսից հղի կին է մահացել, նրա երեխան նույնպես ողջ չի մնացել. Europa Press

Իսպանիայում կորոնովիրուսային ինֆեկցիայի հետեւանքով հղի կին է մահացել: Նրա երեխան նույնպես ողջ չի մնացել:

Ինչպես հայտնում է Europa Press գործակալությունը, կինը 37 տարեկան էր, նա քրոնիկական հիվանդություններ ուներ: Շաբաթ կնոջ ջերմությունը կտրուկ բարձրացել է, կիրակի նրան տեղափոխել են Կորունյայի (Գալիսիայի ինքնավար միություն) հիվանդանոցներից մեկը, անցկացվել է COVID-19-ի անալիզ, որը դրական է եղել: Որոշվել է կատարել շտապ կեսարյան հատում: Սակայն երեխան մահացած է ծնվել, իսկ կինը մահացել է վիրահատության ժամանակ:

Այս պահին անբավարար են տվյալներն այն մասին, թե հղի կնոջ կորոնավիրուսային ինֆեկցիան ինչպես է ազդում նորածնի վրա, սակայն հայտնի է, որ Ուհանում ծննդաբերած կորոնավիրուսով վարակված գրեթե բոլոր կանայք փաստացի առողջ երեխաներ են ունեցել:

Իսպանիայում մարտի 30-ի դրությամբ գրանցվել է կորոնավիրուսով վարակման 85 195 դեպք. սա արդեն ավելի շատ է, քան Չինաստանում: Իսկ զոհերի թիվը հասել է 7340-ի. աշխարհում երկրորդ տեղում է Իտալիայից հետո:

Իսպանիայում հիմա գործում է արտակարգ դրություն. երկրի բնակիչները տանից կարող են դուրս գալ միայն ծայրահեղ անհրաժեշտության դեպքում՝ մթերքներ, դեղեր գնելու, հիվանդանոց հասնելու համար: Կառավարությունը որոշում է ընդունել երկրում կենսական անհրաժեշտության հետ չկապված ամբողջ գործունեությունը դադարեցնելու մասին:

Կարդացեք նաեվ

Սերժ Սարգսյանը ցավակցել է Լեւոն Արոնյանին

Irina Abovyan

Հիվանդությունը փոխել է իր ընթացքը. գերակշռում են ծանր և ծայրահեղ դեպքերը. Դավիդյանց

Irina Abovyan

Մի շարք մարզերում նոր օդերեւութաբանական ավտոմատ, գերժամանակակից կայաններ կտեղադրվեն. Գագիկ Սուրենյան

Irina Abovyan

Կենդանակերպի ամենահաստատակամ և համառ նշանները. Ահա, թե ովքեր են նրանք

Irina Abovyan

Շաբաթվա, որ օրն եք ծնվել. Այն կպատմի Ձեր բնավորության մասին

Irina Abovyan

Ֆիզուլիի շրջանից հայտնաբերվել են ևս 4 զոհված զինծառայողի աճյուն

Irina Abovyan