Քաղաքականություն

Այսպիսի գերվտանգավոր ու գերզգայուն իրավիճակներում սխալ ուղերձները բթացնում են քաղաքացիների զգոնությունը և նպաստում վիճակի է՛լ ավելի վատթարացմանը

Այսպիսի գերվտանգավոր ու գերզգայուն իրավիճակներում սխալ ուղերձները բթացնում են քաղաքացիների զգոնությունը և նպաստում վիճակի է՛լ ավելի վատթարացմանը։

Նույնիսկ ավելորդ եմ համարում հիշատակել վարչապետ Փաշինյանի «ում շունն է»-ն ու «պինցետ-տնական օղին». դրանց «շնորհիվ» թուլացավ քաղաքացիների զգոնությունը մարտի առաջին կեսին, առիթ տվեց մատների արանքով նայել վտանգին՝ զրկելով մեր հանրությանը համաճարակի տարածումը իսկապես արդյունավետ նախականխելու հնարավորությունից։

Լավ, դա առայժմ անցանք։

Բա հիմա՞ ինչու եք սխալ ուղերձներ տալիս։ Օրինակ, ինչու՞ են իշխանության ներկայացուցիչները ու մասնավորապես պարետը անընդհատ պնդում, որ «Կառավարության ջանքերն արդյունավետ են»։ Սա նույնպես չհիմնավորված բթացնում է քաղաքացիների զգոնությունը՝ թուլացնելով ինքնամեկուսացումը հնարավորինս խստորեն պահելու մոտիվացիան։

Նույնն էր մարտի 22-ին, երբ վարակակիրների թիվը, պաշտոնական տվյալներով, ավելացավ ընդամենը 4-ով՝ թույլ տալով իշխանական քարոզիչներին նրբորեն ակնարկել, որ՝ «ըհը, հենա ոնց որ կառավարության հիանալի ջանքերի շնորհիվ վիճակը սկսում է կարգավորվել»։

«Կյանքը շարունակվում է» լոզունգի ներքո՝ ԱԺ քառօրյան հանգիստ անցկացնելն էլ՝ վրադիր։

Վե՛րջ տվեք ինքնագովազդը։ Ճի՛շտ ուղերձներ հղեք։ Բոլորս էլ տեսնում ենք ձեր ջանքերը, բայց դրանց «արդյունավետ» կամ «անարդյունավետ» գնահատական տալու ժամանակը հաստատ հիմա չէ։

Ասե՛ք, որ վիճակը է՛լ ավելի է վատանալու։ Ասե՛ք, որ դեռ երկար կռիվ ունենք վարակի դեմ։ Ասե՛ք, որ կարանտինը պետք է ևս մեկ շաբաթով երկարացնել։

Ճի՛շտը ասեք։

Կարդացեք նաեվ

Այ այսպես․ ԱՊՏԱԿ ԲՈԼՈՐ ՀԱԿԱՀԱՅԵՐԻՆ․ գնացեք ու մտածեք

Irina Abovyan

Հարգելի՛ Միավորված ազգերի կազմակերպություն, էս դուք լո՞ւրջ եք ասում. Զոհրաբյան

Irina Abovyan

«Եթե Նիկոլ Փաշինյանը հրաժարական տա առաջիկա շաբաթվա ընթացքում՝ ես դուրս կգամ քաղաքականությունից». Արմեն Աշոտյան

Irina Abovyan

«Շատ բան կա անելու, շատ-շատ…». Գագիկ Ծառուկյանի հայտարարությունը

Irina Abovyan

Ուզում է’ Սորոսը, ուզում է’ հերը, անելիք չունեն Հայաստանում։ ՈՉՆՉԱՑՆՈՂ ԱՆԴՐԱԴԱՐՁ

Irina Abovyan

Տպավորություն է՝ Հայաստանը փոթորկուն ծովի մեջ հայտնված նավ է, որը շատ վտանգավոր է. հանդարտվեք, վիճակը լուրջ է

Irina Abovyan