Քաղաքականություն

«Մի շարք ընկերություններ 60 և ավելի տարիք ունեցող աշխատակիցներին ստիպում են գնալ աշխատանքի». Արման Բաբաջանյան


Կոչ և խնդրանք գործարար համայնքին

Այս օրերին մեր քաղաքացիներից բազմաթիվ ահազանգեր եմ ստանում այն մասին, որ չնայած հայտարարված արտակարգ դրությանն ու տեղաշարժի սահմանափակումներին, մի շարք ընկերություններ, այդ թվում բանկային և ֆինանսական կազմակերպություններ իրենց մոտ աշխատող 60 և ավելի տարիք ունեցող աշխատակիցներին ստիպում են ներկայանալ աշխատանքի:

Ինձ ահազանգած քաղաքացիները ներկայացրել են նաև այդպիսի գործելաոճ ցուցաբերող կոնկրետ կազմակերպությունների և ընկերությունների անուններ, որոնք հրապարակելուց ես այս պահին ձեռնպահ կմնամ:

Այս մոտեցումը, սակայն խիստ մտահոգիչ է ու անթույլատրելի, քանի որ այդ տարիքային խմբի մեր քաղաքացիները գտնվում են կորոնավիրուսի վարակման տեսանկյունից ռիսկային խավում և նրանց ստիպելով ներկայանալ աշխատանքի՝ գործատուները մեծացնում են նրանց վարակման ռիսկը:

Բացի այդ, քաղաքացիներից շատերը տեղաշարժվում են հանրային տրանսպորտով, որի աշխատանքի ծավալները օբյեկտիվ պատճառներով զգալիորեն նվազել են:

Այսինքն՝ այդ մարդիկ մի կողմից վտանգում են իրենց առողջությունը, մյուս կողմից՝ մեծ դժվարությամբ ներկայանում են աշխատանքի, ինչը, կրկնում են, անթույլատրելի է և հեռու է սոցիակական պատասխանատվությունից:

Կոչ եմ անում մեր բոլոր ընկերություններին ու կազմակերպություններին հատկապես հոգատար վերաբերմունք ցուցաբերել իրենց՝ 60 և ավելի տարիքի աշխատակցիների նկատմամբ, նրանց համար կազմակերպել աշխատանքի հնարավորինս ճկուն գրաֆիկներ՝ նվազագույնի հասցնելով ֆիզիկապես աշխատանքի ներկայանալու անհրաժեշտությունը: Մեր քաղաքացիների առողջությունն ու կյանքը ամենակարևորն են այս օրերին: Որևէ տնտեսական նպատակ չի կարող արդարացնել նրանց առողջությունը վտանգի ենթարկելու ռիսկը: Կոչ եմ անում, խնդրում եմ գործարար համայնքի մեր բոլոր ներկայացուցիչներին առաջնորդվել մարդկանց առողջությունն ու կյանքը ամեն ինչից վեր դասելու սկզբունքով և չվտանգել իրենց աշխատակիցների առողջությունը:

Առողջություն բոլորիս:

Կարդացեք նաեվ

Հայտնի է՝ ովքեր են երգելու Սեպտեմբերի 21-ի գունագեղ միջոցառմանը

Irina Abovyan

Անահիտ Բախշյանի անչափ ՀՈՒԶԻՉ և ՀԶՈՐ խոսքը ՀՀ վարչապետ Նիկոլ Փաշինյանի մասին

Irina Abovyan

ՏԵՍԱՆՅՈՒԹ. Քանի հայ ռազմագերի կա ադրբեջանական կողմում

Irina Abovyan

ԱԺ նախագահը Հունաստանում տժժում է, իսկ Փաշինյանը խոսում է անցյալի անարդարություններից. Կարեն Քոչարյան

Irina Abovyan

Հեռացե՛ք, դուք և Ձեր քաղաքական թիմը պարզապես ամուլ մարմին եք. Բախշյանը՝ Փաշինյանին

Irina Abovyan

Գերիների ծնողներ, ձեր երեխաների հարցը միայն Քոչարյանը կարող է լուծել, չեք հասկանու՞մ.Մեսրոպ Եղիազարյան (video)

Irina Abovyan