Շոու-բիզնես

Բացահայտելով Արթուր Կարապետյանի ընտանիքը

ՀՀ վաստակավոր արտիստ Արթուր Կարապետյանը սիրով համաձայնել է լինել BRAVO.am-ի՝ ընտանիքների բացահայտման խորագրի հյուրը: Նա պատմել է կնոջ եւ իր տարբեր բնավորությունների, արդեն 3 տասնամյակից ավելի համատեղ կյանքի եւ, իհարկե, դստեր մասին:



Կնոջս՝ Սաթենիկ Հախնազարյանին (դերասանուհի, ՀՀ վաստակավոր արտիստ), հանդիպեցի երկրորդ կուրսում: Նոր էի վերադարձել բանակից ու Թատերականում ինձ սպասում էին նոր համակուրսեցիներ ու, ինչպես պարզվեց, նաեւ նա, որի հետ միասին ապրում ենք արդեն 32 տարի: Չեմ պատկերացնում այս աշխարհում որեւէ կին, որին հաջողվեր ինձնից գլուխ հանել այսքա՜ն տարի… Ես էլ երբեմն ինձնից բան չեմ հասկանում, սակայն նրան կարծես հաջողվում է: 


11

Արթուր Կարապետյանը եւ Սաթենիկ Հախնազարյանը


Ես կրակ եմ, նա՝ ջուր, ես՝ հողին կպած, նա թեւածում է երկնքում, տարբեր ենք շատ, անբացատրելի շատ, ու բառերով բացատրություն չունի այն երեւույթը, որ կապում է մեզ իրար: Կուզեք, անվանեք սեր, կամ ուրիշ անուն դրեք, ինձ համար միեւնույն է: Նրբազգաց, արդարացի, անդավաճան իր սկզբունքներին ու իմաստուն: Թատրոնն իր առաջին սերն էր, հետո հայտնվեցի ես, հետո ծնվեց մեր աղջիկը:


Մեր դուստրը՝ Ռիմա Կարապետյանը, ժառանգել է իմ ու Սաթենիկի լավագույն հատկանիշները, մեր ոսկե միջինն է: Նկարում է, գրում, լեզուներ գիտի: Մտքեր ու զգացողություններ, որ այդպես էլ իրենց ընթեռնելի ձեւակերպումը չստացան իմ մտքում, ձեւավորվում ու շարադրվում են նրա գրչով, եւ այնքան պարզ ու մատչելի, որ երբեմն զարմանում եմ՝ ո՞նց: 


11

Ռիմա Կարապետյանն՝ ամուսնու հետ


Երբեւէ չենք խոչընդոտել մասնագիտության ընտրության հարցում: Ընտրեց դիվանագիտությունն ու միջազգային իրավունքը՝ պատճառաբանելով, որ մի տան մեջ երրորդ դերասանն ավելորդ է: Բարդ մասնագիտություն է, բայց իր ընտրությունն է, ու մենք ընդունեցինք: Փառք Աստծո, վերջերս էլ հանդիպեց իր երկրորդ կեսին եւ այժմ բնակվում է Բրյուսելում: Մնացածն, առաջ Աստված, կապրենք կերեւա:

Կարդացեք նաեվ

Մեզ համար նոր տարի չի լինելու, մենք հարգում ենք մեր հերոս տղաների հիշատակը. Սոնա Շահգելդյան

Irina Abovyan

Ջեննիֆեր Լոպեսը գայթակղիչ կերպարում (Photo)

Irina Abovyan

Անահիտ Կիրակոսյանը նոր աշխատանքի և ապրումների մասին

Irina Abovyan

«Այս իրադարձություններից հետո նորաձեւության աշխարհը կփոխվի». աստղային դիզայներ Հայկ Ավանեսյանի կանխատեսումները՝ նորաձեւության ոլորտի մասին

Irina Abovyan

Տեսեք թե ում է համբուրել Զիրոյանը

Irina Abovyan

ՏԵՍԱՆՅՈՒԹ. Իսկական սերը միանգամից չի մոռացվում. Իրինա Այվազյանը՝ Գևորգ Մկրտչյանից բաժանման և ոճային փոփոխության մասին

Irina Abovyan