Հասարակություն

Կոտայքի մարզում արտակարգ դրության պայմանները ստուգելու նպատակով դեպքի վայր մեկնող ոստիկանության «Վիլիսը» կողաշրջվել է. ոստիկանները տեղափոխվել են հիվանդանոց

Այսօր՝ մարտի 27-ին, ավտովթար է տեղի ունեցել Կոտայքի մարզում։ Ժամը 12։20-ի սահմաններում «Ուազ» մակնիշի 080 II 03 համարանիշի ավտոմեքենայի վարորդը Հացավան-Գառնի ավտոճանապարհի՝ Հացավան գյուղի վարչական տարածքում դեռևս անհայտ հանգամանքներում դուրս է եկել հանդիպակաց երթևեկելի գոտի, բախվել քարերին և կողաշրջվել։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով վարորդն ու ուղևորը մարմնական վնասվածքներով տեղափոխվել են «Սուրբ Գրիգոր Լուսավորիչ» բժշկական կենտրոն։
Օպերատիվորեն դեպքի վայր են ժամանել Գառնու բժշկական ամբուլատորիայի բժիշկներն ու ոստիկանության Գառնու բաժանմունքի ծառայողները։

Դեպքի վայր են ժամանել նաև Ճանապարհային ոստիկանության 2-րդ սպայական գումարտակի 3-րդ վաշտի 1-ին դասակի ծառայողները՝ վաշտի հրամանատար Արթուր Պետրոսյանի, դասակի հրամանատար Տիգրան Քոթանջյանի գլխավորությամբ։

Տեղում հետաքննչական աշխատանքները ղեկավարում է նույն վաշտի ավագ հետաքննիչ Մայիս Բադոյանը, ում կողմից փաստի առթիվ նյութեր են նախապատրաստվում։

Ոստիկանությունը պարզում է վարորդի և վիրավորի ինքնությունը։

Գ. Շամշյանի տեղեկություններով՝ «Ուազ»-ը հաշվառված է ՀՀ ոստիկանության հաշվեկշռում և սպասարկում է ոստիկանության Գառնիի բաժանմունքի ծառայողներին։

Գ. Շամշյանի տեղեկություններով՝ վարորդն ու ուղևորը կանչով մեկնում էին Գառնի գյուղ։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարները և տեսանյութը՝ Գագիկ Շամշյանի

Կարդացեք նաեվ

Սուրճ խմելու 6 հիմնավոր պատճառ․ 4-րդն ինձ զարմացրեց

Irina Abovyan

Ավագ լեյտենանտ Կարեն Հակոբի Մանուկյանը ոչնչացրել է 3 միավոր «Կամազ». հերոսական դրվագներ ռազմաճակատից

Irina Abovyan

Սովորեք պաշտպանվել դիմացինի վատ էներգիայից

Irina Abovyan

Հայաստանում կորոնավիրուսից 7 պացիենտ է մահացել

Irina Abovyan

Որդին մոր մարմինը կացնով մասնատել է, լցրել աղբամանն ու այրել. Զարհուրելի սպանություն Լոռիում

Irina Abovyan

«Այս փոքր մարդուկն իմ կյանքի ամենամեծ նվերն ու երջանկությունն է». Լիլիթ Բասյան

Irina Abovyan