Հասարակություն

Խոշոր ավտովթար-հրդեհ Կոտայքի մարզում. «Ոսկե աքաղաղ» ռեստորանի մոտ Mercedes-ը գլիվայր շրջվել է. ավտոմեքենան վերածվել է մոխրակույտի.

Այսօր՝ մարտի 26-ին, խոշոր ավտովթար-հրդեհ է տեղի ունեցել Կոտայքի մարզում: Ժամը 22:30-ի սահմաններում Արտակարգ իրավիճակների նախարարության փրկարար ծառայության 9-11 օպերատիվ կառավարման կենտրոն ահազանգ է ստացվել, որ Գողթ գյուղի վարչական տարածքում գտնվող «Ոսկե աքաղաղ» ռեստորանային համալիրի հարևանությամբ ավտոմեքենա է այրվում:

Ինչպես հայտնում է ֆոտոլրագրող Գագիկ Շամշյանը, օպերատիվորեն դեպքի վայր է ժամանել ԱԻՆ ՓԾ Կոտայքի մարզային փրկարարական վարչության հրշեջ-փրկարարական ջոկատը՝ 1 մարտական հաշվարկով: Օպերատիվորեն ժամանել են նաև ճանապարհային ոստիկանության 2-րդ սպայական գումարտակի 3-րդ վաշտի 1-ին դասակի տեսուչներ Գևորգ Մարտիրոսյանն ու Էդուարդ Աղաբեկյանը:

Մինչ հրշեջների ժամանումը, կրակի դեմ պայքարել են «Ոսկե աքաղաղ» ռեստորանային համալիրի աշխատակիցներն ու քաղաքացիները, այնուհետև ժամանած հրշեջ-փրկարարները մարել են Mercedes մակնիշի 35 CՍ 039 համարանիշի ավտոմեքենայում առաջացած հրդեհը, սակայն ավտոմեքենան ամբողջովին վերածվել է մոխրակույտի:

Ֆոտոլրագրողը հայտնում է, որ ճանապարհային ոստիկաններին է մոտեցել Գեղարդ գյուղի բնակիչ, 62-ամյա Համբարձում Պողոսյանը , ով հայտնել է, որ մեքենան վարել է ինքը և վթարի պատճառը եղել է մեքենայի անսարքությունը, սակայն ոստիկանները ունեն կասկածներ, որ վարորդը նա չի եղել:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Կարդացեք նաեվ

Գևորգ Զաքարյանի հիասքանչ խոսքը ՀՀ վարչապետ Նիկոլ Փաշինյանի մասին

Irina Abovyan

Մարտակոչ՝ վերջին մեկ տարում զորացրված մեր զինվորներին. Նիկոլ Փաշինյանն ուղիղ եթերում է

Irina Abovyan

Հարգելի՛ պարոն Փաշինյան, սա հատուկ Ձեզ համար. քաղաքացին տեսանյութով դիմում է վարչապետին

Irina Abovyan

Ինչպես արագ լվանալ պատուհանները. Փորձառու կնոջ խորհուրդները

Irina Abovyan

Նիկոլը մեր ժողովրդի ընտրած վարչապետն է, նա պիտի աշխատի. Սարուխանցիներ

Irina Abovyan

Հայաստանում հուլիս-օգոստոս ամիսներին կանցկացվի ուսուցիչների վերապատրաստում հեռավար կրթություն իրականացնելու համար

Irina Abovyan