Հասարակություն

«Ի՞նչ կա, ա՛յ իմ հնգեր». անմահության ճամփան բռնած Սարգիս Ղազարյանը

«Ի՞նչ կա, այ իմ հնգեր»․․․ Արցախյանի պատերազմի ժամանակ զոհված Սարգսի սիրելի արտահայտությունն է։ Սարգիս Մովսեսի Ղազարյանը ծնվել է 2001 թվականի դեկտեմբերի 3-ին՝ Ճամբարակ քաղաքում, զինվորականի ընտանիքում։

Իրավաբան.net-ի հետ զրույցում հարազատներից պատմում են, որ Սարգիսը մանկուց գիտակցել է զինվորական կյանքի լրջությունը․

«Հայրը զինվորական էր և Սարգսին նույնպես ընկղմվել էր այդ գործի մեջ։ Դպրոցական տարիներին աչքի է ընկել իրա հավասարակշռված պահվածքով և խելացիությամբ։ Մանկուց երազում էր բժշկի մասնագիտության մասին, և ոչ մի ջանք չէր խնայում նպատակին հասնելու համար։ Սարգիսը ընդունվեց ԵՊԲՀ՝ անվճար։ Հետո որոշեց, որ հայրենիքի պարտքը պետք է կատարի, անցնի ծառայության, հետ վերադառնա ու շարունակի ուսումը»։

Երևանի պետական բժշկական համալսարանի ֆեյսբուքյան էջում Սարգիսի մասին գրված է․ «Ու ինչքան մարդ չհասցրեց ճանաչել նրան…
Ղազարյան Սարգիս Մովսեսի
ԵՊԲՀ ընդհանուր բժշկության ֆակուլտետի ուսանող էր, ապագա հիանալի բժիշկներց մեկը՝ ով զորացրվելով բանակ իր կյանքն ու ապագան չխնայեց ընկերներին փրկելու համար…»։

Սարգիսի մասին հարազատները պատմում են, որ տեսակով չափազանց բարի էր, հավասարակշռված, բայց միևնույն ժամանակ կտրուկ, իսկական հայ տղային վայել։ Դեռ մանկուց սիրում էր որսորդությունը, սպորտը, սակայն վերջին տարիներին այդքան էլ չէր կարողանում զբաղվել իր հոբբիով, քանի որ պարապում էր քիմիա և կենսաբանություն։

«Ընկերներին դիմում էր Ջիգյարով։ Սիրած արտահայտությունն էր․ «Ի՞նչ կա, այ իմ հնգեր»․․․ Ընտանիքի ու ընկերների պարծանքն էր։ Ծառայակից ընկերները նույնպես հայտնում են որ չափազանց մեծ նվիրումով է մոտեցել իր անձնազոհ գործին,օգնել է կարիգավոր զինվորին, ուժ ու դուխ տվել,որպեսզի ընկճվածություն չլինի»։

Կարդացեք նաեվ

Հայտարարություն` Արցախի համար հումանիտար օգնության վերաբերյալ

Irina Abovyan

Ընտրեք ամենաերջանիկ զույգին և իմացեք՝ ինչի մասին է վկայում ընտրությունը

Irina Abovyan

Գազ չի լինելու

Irina Abovyan

Ադրբեջանական ագրեսիան հետ մղելու ընթացքում զոհվել է ևս 17 զինծառայող

Irina Abovyan

Ryanair-ը կկրճատի մինչև 3000 աշխատողի՝ «կորոնաճգնաժամի» պատճառով և կփակի մի շարք բազաներ Եվրոպայում

Irina Abovyan

Բանակը լուծարելու նոր օրենսդրական նախագի՞ծ. Ի՞նչ գաղտնի պլաններ ունի իշխանությունը

Irina Abovyan