Հասարակություն

«Շատ շուտով, Նիկոլ Փաշինյանի բառապաշարով ասած, մարդիկ մի կտոր հացին կակա են ասելու, Ալենը իր բիզնեսի հարցերն է առաջ գցում»

Փնթիության ու հանցավոր անգործության արդյունքում երկիրը անդունդի առաջ կանգնացրած խմբակը ոչ մի ձև չի հրաժարվում փող աշխատելու մոլուցքից: Պարզ է, որ այս և եկող ամիսներին հավելավճարներ ու պարգևավճարներ չեն ստանալու, որովհետև ֆինանսական բեռի տակ ճռռացող ժողովուրդն ուղղակի «հում-հում կուտի» իրենց այս օրը գցած անգործունակների իշխանությանը: Բայց դե ցեխից մեղրի կարասն ընկածները ո՞նց կարող են առանց մեծ փողի յոլա գնալ, չէ՞ որ արդեն մեծ փողին սովորել են:

Ու հենց դրա համար էլ ուզում են օրենքը փոխել և գովազդային շուկան վերաձևավորել: Ալեն Սիմոնյանի փորացավը հենց դա է` մեծ փող: Երևանում բոլորը գիտեն, որ այս տղան գովազդային շուկայում հետաքրքրություններ ունեցել է, ունի ու հիմա էլ շատ ավելի մեծ կտոր է ուզում ունենալ` օգտագործելով պետական լծակները ու անձամբ իր բիզնես շահի համար իր տակ քաշելով գովազդային շուկան: Այո, տնտեսական կոլափսի առաջ կանգած երկրում, որտեղ շատ շուտով Նիկոլ Փաշինյանի բառապաշարով ասած` մարդիկ մի կտոր հացին կակա են ասելու, Ալենը սեփական բիզնեսի հարցերն է առաջ գցում:

Ու մի ապշեցուցիչ հանգամանքի մասին: Ես էլ եմ պատգամավոր եղել, ես էլ եմ ԱԺ ամբիոնից ելույթ ունեցել, Նիկոլ Փաշինյանին պատասխանել, փաստարկներ ու հակափաստարկներ բերել: Ու ինչպես այն ժամանակ չէի հասկանում, նույն կերպ էլ հիմա չեմ հասկանում` ո՞նց կարելի է սեփական անձը մանրացնել ու այնքան էժանացնել, որ փաստարկներով խոսելու փոխարեն մարդու անունն աղավաղել, օրինակ` Նիկոլին դիմել Նիկոլիկ կամ ասենք` Կոլիկ: Իհարկե, կարելի էր այդպես անվանել, հիմա էլ կարելի է, բայց իմաստը՞, մարդու անունը աղավաղելուց հաճու՞յք են ստանում, թե՞ սեփական անձի կշիռն են բարձրացնում, իմաստը՞ տղերք, իմաստը՞: Չէ՞ որ վաղը մյուս օր պատասխան տալու խնդիր է լինելու:

Հ.Գ. Ալենը խնդիր չունի մեծ-մեծ խոսելու: Իրենից պատասխան չի ակնկալվում, մի անգամ ասել եմ, հիմա չկրկնվեմ, թե ինչու չի ակնկալվում: Բայց, օրինակ` Թևոսյան Վահագնը պատասխան ունի՞, ի՞նչ է ասելու: Չգիտեմ, ինչպես ասում են` վերջը լավ լինի:

Կարդացեք նաեվ

Մի՞ֆ, թե՞ իրականություն. արդյոք սխտորը, օղին կորոնավիրուսի դեմ արդյունավետ պայքարի միջոցնե՞ր են

Irina Abovyan

Խաչատրյան Գագոյի և Լֆիկ Սամոյի Դավադրությունը Նիկոլի և Աննայի դեմ. Վարչապետը սա էլ չի ների

Irina Abovyan

Սևան-Դիլիջան ճանապարհին «Ford»-ը և Իջևան-Երևան երթուղին սպասարկող «ԳԱԶել»-ը բախվել են․ կա 12 տուժած.ՏԵՍԱՆՅՈՒԹ

Irina Abovyan

10 բան, որոնց դիպչելուց հետո դուք պետք է անմիջապես լվաք ձեր ձեռքերը

Irina Abovyan

Առանձնակի դաժանությամբ սպանություն Գեղարքունիքի մարզում. սեփական տանը հայտնաբերվել է կացնահարված 66-ամյա տղամարդու դի. կասկածյալը եղել է ռազմամթերքով զինված. ՖՈՏՈՌԵՊՈՐՏԱԺ

Irina Abovyan

Ռուս խաղաղապահները թեժ գիծ են բացել անհետ կորածների մասին տեղեկություն ստանալու համար

Irina Abovyan