Հասարակություն

ՏԵՍԱՆՅՈՒԹ. Արհեստական խուճապ է. քաղաքացիները դոլար ու եվրո են գնում. «Ժողովուրդ»

«Ժողովուրդ» օրաթերթը գրում է. «Դոլարի փոխարժեքն արդեն մի քանի օր է՝ բարձրացել է. ըստ rate.am-ի՝ Հայաստանի առեւտրային բանկերում երեկվա դրությամբ դոլարի առքի առավելագույն գինը 507-508 դրամ է, վաճառքինը՝ 520-521 դրամ, տարբերությունը՝ 10-13 դրամ:

Ըստ մասնագետների՝ պատճառը դոլարի դեֆիցիտն է: Այժմ հայաստանցիների մի հատվածում արհեստական խուճապ է։ Այս օրերին կան քաղաքացիներ, որոնք դոլար ու եվրո են գնում: Բացի այս, փոխարժեքի առուվաճառքով զբաղվող քաղաքացիները նման իրավիճակներում սկսում են հանրության շրջանում լուրեր շրջանառել այն մասին, որ փոխարժեքը բարձրանալու է, ինչի պատճառով էլ մարդիկ գնում են ու պահած դրամներով դոլար գնում:

Մյուս կողմից՝ դոլարի փոխարժեքի բարձրացումը մեծ անհանգստություն է առաջացրել այն քաղաքացիների համար, որոնք ունեն դոլարային վարկեր. նրանք ֆինանսական զգալի կորուստներ են կրելու: «Ժողովուրդ»օրաթերթին ԿԲ-ից փոխանցեցին, որ ՀՀ ֆինանսական շուկաների բնականոն գործունեության ապահովման նպատակով ՀՀ կենտրոնական բանկը ՀՀ արտարժութային շուկայում կիրականացնի գործառնություններ. «ՀՀ կենտրոնական բանկը շարունակում է իրականացնել ֆինանսական շուկաների մշտադիտարկում եւ անհրաժեշտության դեպքում կկիրառի իր գործիքակազմում առկա բոլոր գործիքները՝ երաշխավորելով գների եւ ֆինանսական կայունությունը»: Իրենց հերթին տնտեսագետները բնակչությանը խորհուրդ են տալիս սառը դատել ու համբերել եւ արհեստականորեն չնպաստել դոլարի բարձրացմանն ու դրամի արժեզրկմանը, քանի որ ե՛ւ 2009-ի փետրվարին, ե՛ւ 2014-ի դեկտեմբերին մարդիկ, որոնք խուճապահար արտարժույթ են գնել, միշտ տուժել են: Հիշեցնենք՝ 2014 թվականի դեկտեմբերին մարդիկ 550-600 դրամով դոլար էին գնում եւ հետո ստիպված եղան 460-470 դրամով այն վաճառել:

Կարդացեք նաեվ

«Գյոռբագյոռ» բառի բացատրությունն` ըստ իրանագետ Վարդան Ոսկանյանի

Irina Abovyan

Գիտնականները դեղամիջոց են հետազոտում, որը նվազեցնում է կորոնավիրուսի հետեւանքով մահացությունը

Irina Abovyan

Ֆելիքս Ցոլակյանը տանից կաշխատի․ նա ռիսկային խմբում է. «Ժողովուրդ»

Irina Abovyan

Արտակարգ դեպք Երևանում. մինչ Էրեբունի հիվանդանոցի բժիշկները փրկեցին ավտոլվացման կետի 23-ամյա աշխատակցի կյանքը, ոստիկանները պարզեցին, որ նրան դանակահարել է մեկ այլ ավտոլվացման կետի աշխատակից

Irina Abovyan

Արցախի տեղեկատվական շտաբից հորդորում են պայթյուն լսելու դեպքում խուճապի չմատնվել

Irina Abovyan

Շուշիի ուղղությամբ կիրառվել է ծանր հրետանի․ կան տուժածներ, ավերածություններ

Irina Abovyan