Հասարակություն

Վեց օգտակար մթերք, որոնք կօգնեն պաշտպանել թոքերը վարակներից

Սեզոնային գրիպի, հարբուխի և նոր կորոնավիրուսային վարակով պայմանավորված COVID-19-ի տարածման ֆոնին մասնագետները խորհուրդ են տալիս առանձնահատուկ ուշադրություն դարձնել թոքերի առողջության ամրապնդմանը, քանի որ նման վարակներն առաջին հերթին բացասաբար են անդրադառնում շնչառական համակարգի վրա։ Մասնագետները ներկայացրել են վեց օգտակար մթերք, որոնք հարկավոր է անպայման ներառել սննդակարգում թոքերն ամրապնդելու և վարակներից խուսափելու համար։

Սպիտակ թեյ

Cuerpomente պարբերականի տվյալներով՝ թեյի այս տեսակը պարունակում է մեծ քանակությամբ հակաօքսիդանտային պոլիֆենոլներ։ Հետազոտությունները ցույց են տվել, որ սպիտակ թեյի հյութահանուկը կարող է հանգեցնել թոքերի չարորակ ուռուցքի բջիջների ոչնչացման։

Կիվի

Թոքերն ու շնչուղիներն ախտահարող վիրուսներից ու բակտերիաներից պաշտպանվելու համար հարկավոր է առաջին հերթին ամրապնդել իմունային համակարգը, իսկ այս հարցում լավագույն օգնականը կլինի վիտամին С-ով հարուստ կիվին։ Այս մրգի ընդամենը 100 գրամում պարունակվում է 93 մգ վիտամին С։ Բացի այդ, այն հարուստ է նաև վիտամին Е-ով, որն ուժեղացնում է վիտամին С-ի ազդեցությունը։

Սոխ

Մեծ քանակությամբ կվերցետինի ու ծծմբի միացությունների շնորհիվ սոխը համարվում է լավագույն բնական դեղամիջոցը թոքերի ու շնչուղիների հիվանդությունների բուժման համար։ Թարմ ու երիտասարդ սոխն ունի բավական նուրբ համ, ուստի այն կարելի է օգտագործել նաև հում վիճակում։

Եղերդակ

Իտալական եղերդակը հարուստ է ինուլինով, իսկ սա մանրաթելերի ամենաօգտակար տեսակն է աղիների միկրոֆլորայի ամրապնդման համար։ Միևնույն ժամանակ աղիների առողջ միկրոֆլորան արդյունավետ կերպով օգնում է իմունային համակարգին կանխել տարատեսակ վարակները, այդ թվում նաև թոքերի վարակումները։

Խնձոր

Հետազոտությունները ցույց են տվել, որ թոքերի աշխատանքի բարելավման համար բավական է օրական մեկ կամ երկու խնձոր ուտել։ Գիտնականները նկատել են, որ խնձորի սիրահարների թոքերի ծավալն ավելի մեծ է։ Այս միրգը պարունակում է կվերցետին ու ֆլավոնոիդներ, ինչպես նաև օժտված է հակաօքսիդանտային ու հակաբորբոքային հատկություններով։ Նման օգտակար հատկությունների շնորհիվ այն արյունավետ կերպով պաշտպանում է թոքերն արտաքին միջավայրի անբարենպաստ ազդեցությունից, ալերգեններից, օդի աղտոտվածությունից ու տարատեսակ ախտածին տարրերից։

Նվենի (Эвкалипт)

Նվենու տերևներում պարունակվող թռչող միացությունները լուծվում են լորձաթաղանթներում՝ բարձրացնելով դրանց կայունությունը վտանգավոր վարակների հարուցիչների նկատմամբ։ Նման արդյունքի համար հարկավոր է կես թեյի գդալ չորացրած տերևներն ավելացնել մի բաժակ ջրին ու խմել այն։

Նյութի աղբյուրը՝ MedikForum.ru

Կարդացեք նաեվ

Ադրբեջանի ագրեսիայի արդյունքում ունենք քաղաքացիական 11 զոհ և 60-ից ավելի վիրավորներ․ԱՀ ՄԻՊ

Irina Abovyan

Պարզվում է՝ կան մթերքներ, որոնց հետ հաց չի կարելի օգտագործել. ա՜յ քեզ նորություն, իսկ ես չգիտեի

Irina Abovyan

ԿԳՄՍ նախարարությունը հստակեցրել է գարնանային արձակուրդների և ուսումնական տարվա ավարտի ժամկետները

Irina Abovyan

Թող չմիջամտեն, թողնեն ապրանքը ծախենք, մեր ընտանիքները պահենք. «Մեյմանդարի» շուկայի աշխատակիցներ

Irina Abovyan

Տարհանումն իրականացնող սանիտարական ավիացիայի ուղղաթիռը վայրէջք է կատարում Գորիսի ԲԿ-ում

Irina Abovyan

ՇՏԱՊ : 20-ամյա աղջիկը դուրս է եկել տնից ու չի վերադարձել. ահազանգել է մայրը

Irina Abovyan