Քաղաքականություն

«Մենք սկսել ենք թունելի վերջում լույս տեսնել»․ Թրամփը մտադիր է Սբ Զատկին ընդառաջ բացել ԱՄՆ-ի սահմանները

ԱՄՆ նախագահ Դոնալդ Թրամփը հայտարարել է, որ կցանկանար Սբ Զատկին ընդառաջ, որը նշվում է ապրիլի 12-ին, չեղարկել մուտքի սահմանափակումները, որոնք սահմանվել են COVID-19-ի տարածման պատճառով։ Այս մասին Սպիտակ տան ղեկավարը հայտնել է լրագրողներին, գրում է The Guardian-ը։

«Ես հույս ունեմ, որ մենք կկարողանանք դա անել Զատկին ընդառաջ։ Ես կարծում եմ, որ դա կարևոր է մեր երկրի համար», – Սպիտակ տանը կայացած ճեպազրույցի ժամանակ լրագրողներին ասել է Թրամփը:

Հարցին, թե արդյոք իրատեսական է նրա առաջարկը, ԱՄՆ նախագահը պատասխանել է․«Մենք դա դեռևս պետք է դիտարկենք»։

Նա նաև հայտնել է, որ կորոնավիրուսի տարածումն ամբողջ երկրում «նվազել է»։

«Մենք սկսել ենք թունելի վերջում լույս տեսնել»,- ասել է նա։

Ավելի վաղ Սպիտակ տան ղեկավարը հայտնել էր, որ մոտ ժամանակներս ԱՄՆ-ում կվերականգնվի ձեռնարկատիրական գործունեությունը: Նրա խոսքով ՝ ԱՄՆ-ն «ստեղծված չէ փակ լինելու համար, և երկրին վիճակված է բաց լինել»:

Վերջին տվյալների համաձայն՝ ամբողջ աշխարհում կորոնավիրուսով վարակվածների թիվը գերազանցել է 422 900-ը, ավելի քան 18 900 մարդ մահացել է, ապաքինվել՝ ավելի քան 109 140-ը: Չինաստանի իշխանություններն անհայտ տեսակի վիրուսի համաճարակի մասին Առողջապահության համաշխարհային կազմակերպությանը տեղյակ էին պահել դեկտեմբերի 31-ին: Համաճարակը բռնկվել է 11 մլն բնակչություն ունեցող Ուհան քաղաքում:

Կարդացեք նաեվ

Երբ մեզ ասում են, թե դուք փորձում եք լռեցնել ձեր քաղաքական հակառակորդներին, այստեղ մի քանի անճշտություն կա․․․Հայկ Կոնջորյանի կոշտ անդրադարձը

Irina Abovyan

Այս պահից սկսած Հրայր Թովմասյանն այլևս ՍԴ նախագահ չէ. Նիկոլ Փաշինյան

Irina Abovyan

Ուտուշ-խմուշ, թե՞ հարսանիք, դրոն, թե՞ կվադրոցիկլ, Մգեռ Արմենիա, թե՞ Բելառուս. ԱՎԵԼ-ՊԱԿԱՍ 22

Irina Abovyan

Ձեր հանրահավաքին մասնակից յուրաքանչյուր հայ պետք է իմանա , որ․․․ Տիգրան Սիմոնյանի անդրադարձը Գագիկ Ծառուկյանի հայտարարությանը

Irina Abovyan

Չծառայածներն ու ծառայածները… Օգտատիրոջ ցնցող գրառումը Նիկոլ Փաշինյանի չծառայած լինելու և երկրի ղեկավարվման մասին

Irina Abovyan

Աշոտյանի ապտակը Ալիևին ցնցել է ողջ երկիրը․ ոչոք աչքերին չի հավատում

Irina Abovyan