Հասարակություն

Կորոնավիրուսի համավարակն ամբողջ աշխարհում հանգեցրել է օդի աղտոտվածության մակարդակի զգալի նվազմանը

Կորոնավիրուսի համավարակն ամբողջ աշխարհում հանգեցրել է օդի աղտոտվածության մակարդակի զգալի նվազմանը, ցույց են տալիս Եվրոպական տիեզերական գործակալության արբանյակային լուսանկարները, գրում է The Guardian-ը։

Եվրոպական տիեզերական գործակալության արբանյակի տվյալները ցույց են տալիս, որ վերջին վեց շաբաթվա ընթացքում Ասիայի և Եվրոպայի մի շարք քաղաքներում ազոտի երկօքսիդի (NO2) մակարդակը զգալիորեն ցածր է, քան նախորդ տարվա նույն ժամանակահատվածում:

Լեսթերի համալսարանի օդի աղտոտման ամբիոնի պրոֆեսոր Փոլ Մոնքսի խոսքով՝ սա կարևոր դաս էր ապագայի համար։

«Այժմ մենք ակամայից ականատես ենք լինում պատմության մեջ ամենամասշտաբային փորձարկմանը, և սա օրինակ է, թե ինչ կարող ենք տեսնել ապագայում, եթե կարողանանք անցնել ցածր ածխածնային տնտեսությանը։ Չեմ ուզում անտեսել մարդկային կյանքերի կորստի փաստը, բայց սա կարող է մեզ ապագայի հանդեպ հույս ներշնչել»,- ասել է նա։

Աղտոտվածության մակարդակի ամենամեծ անկումներից մեկը կարելի է դիտարկել Չինաստանի Ուհան քաղաքում, որտեղ հունվարին բռնկվել էր կորոնավիրուսի համաճարակը։ 11 միլիոն բնակչություն ունեցող քաղաքում հարյուրավոր գործարաններ են աշխատում, որոնք ավտոմոբիլային մասեր և այլ սարքավորումներ են մատակարարում ամբողջ աշխարհում։

ՆԱՍԱ-ի տվյալներով՝ վերջին մի քանի շաբաթների ընթացքում արևելյան և կենտրոնական Չինաստանում ազոտի երկօքսիդի մակարդակը նորմայից 10-30 տոկոսով ցածր է:

Կարդացեք նաեվ

Հարցում. ի՞նչ կարծիք ունեն քաղաքացիները Վազգեն Մանուկյանի թեկնածության մասին

Irina Abovyan

Դա քաղաքացու հանդեպ ստորություն ա. լարված վիճակ ոստիկանության բաժնում

Irina Abovyan

Հայտնի է, թե այս տարի երբ է նշվելու Սուրբ Զատիկը

Irina Abovyan

Ահա, թե ինչու պետք չէ պահել ձվերը սառնարանում․ շոկային պատճառ, որի մասին պետք է իմանալ

Irina Abovyan

Երեխաներին զբաղեցնելու 7 տարբերակ

Irina Abovyan

«Գրանդ Հոլդինգը» 100 միլիոն դրամ է փոխանցել կորոնավիրուսը կանխելու և բուժաշխատողներին աջակցելու նպատակով

Irina Abovyan