Քաղաքականություն

ՌԴ-ն ընդունեց ի գիտություն․ ի՞նչ արձագանքի սպասենք

«Ժողովուրդ» օրաթերթը գրում է․ «Արցախի Հանրապետության նախագահ Արայիկ Հարությունյանի դիմումը կընդունվի ի գիտություն եւ, բնականաբար, կքննարկվի. «Ժողովուրդ» օրաթերթի հետ զրույցում նման տեսակետ արտահայտեց ՌԴ պետդումայի պատգամավոր, ԱՊՀ հարցերով հանձնաժողովի առաջին փոխնախագահ Կոնստանտին Զատուլինը:

Հիշեցնենք, որ երեկ Արցախի նախագահը դիմում էր հղել ՌԴ նախագահ Վլադիմիր Պուտինին եւ գրել. «Դուք այն անհատականությունը եւ պետության ղեկավարն եք, ով ունի հսկայական հեղինակություն աշխարհում եւ մեր տարածաշրջանում: Հաշվի առնելով այդ ամենը՝ խնդրում ենք Ձեզ գործադրել բոլոր հնարավոր ջանքերն ադրբեջանաղարաբաղյան հակամարտության գոտում պատերազմի դադարեցման եւ քաղաքական գործընթացների վերսկսման ուղղությամբ», – ասված էր նամակում: Զատուլինը մեզ հետ զրույցում նկատեց՝ Արցախը միջազգայնորեն չճանաչված պետություն է, չնայած ընդգծում է՝ հենց ինքը վաղուց ճանաչել է այն: «Իհարկե, Հայաստանի Հանրապետության վարչապետ Նիկոլ Փաշինյանը մեր կողմից ճանաչված պետության, մեր դաշնակից երկրի ղեկավարն է, իսկ Արցախը, միջազգայնորեն չճանաչված միավոր է: Ճիշտ է՝ ինձ համար ես վաղուց ճանաչել եմ այն, բայց Ռուսաստանը, Հայաստանը եւ այլ պետություններ չեն ճանաչել այն: Եվ դա, բնականաբար, խնդիրներ է առաջացնում, որպեսզի ուղիղ պատասխան լինի: Իհարկե, այն կվերլուծվի, բայց ավել բան այս պահին ասել չեմ կարող»,- հավելեց նա: Օրեր առաջ մամուլում հրապարակում եղավ Զատուլինի մի հայտարարության մասին, որտեղ նա խոսում էր Լեռնային Ղարաբաղում Ռուսաստանի միջամտության մասին դեսանտային գործողության միջոցով։ Անդրադառնալով այս արտահայտությանը՝ նա նկատեց. «Այն տարածվեց մի փոքր այլ կերպ: Ես, պատասխանելով լրագրողի հարցին, խոսել էի Հայաստանում Ռուսաստանի զինված ուժերի ներկայության ուժեղացման մասին եւ ասել էի, որ այդ նպատակով անհրաժեշտ է քայլեր ձեռնարկել, այդ թվում՝ հատուկ օպերացիաներ, քանի որ Հայաստանն օդային հարձակումների է ենթարկվում»:

Հավելենք, որ երեկ ԱՄՆ-ում ՀՀ եւ Ադրբեջանի արտաքին գործերին նախարարներն առանձնազրույցներ էին ունեցել արդեն պետքարտուղար Մայք Պոմպեոյի հետ, որից հետո ԱՄՆ նախագահ Դոնալդ Թրամփն ասել էր, թե միջնորդի տեսքով ներգրավված է բանակցություններում, ապա հավելել, թե այսօրվա բանակցություններից հետո առաջընթաց կա»:

Մանրամասները՝ «Ժողովուրդ» օրաթերթի այսօրվա համարում։

Կարդացեք նաեվ

Լեռնային Ղարաբաղում 53 խաղաղ բնակիչ է զոհվել, նրանց մեջ երեխաներ էլ կան. ՄԱԿ

Irina Abovyan

«Իմ նախատատը կթքեր նրա աչքերի մեջ». Մարգարիտա Սիմոնյանը` Նիկոլ Փաշինյանի մասին

Irina Abovyan

Պատերազմը դեռ չի ավարտվել, դեռ չգիտենք, թե երբ կվերսկսվի, ինչպես կդրսևորվի, ինչ մասշտաբներ կունենա

Irina Abovyan

Նիկոլի մուսռներից եք վախենու՞մ. Արիանա Հովսեփյանը հեղափոխության կոչ է անում

Irina Abovyan

Հայաստանի հարվածային նոր ուժը. ինչն է նյարդայնացնում Անկարային

Irina Abovyan

ԻՆՉՊԵ՞Ս Է ԵՂԵԼ․ Ալիևը հրապարակավ ընդունեց․ ադրբեջանական բանակը ուղղակի փախել ու փրկվել է

Irina Abovyan