Հասարակություն

Որոշ մարդիկ, որոնք շփվել են կորոնավիրուսով վարակվածների հետ, թաքնվել են բժիշկներից․ «շտապօգնության» տնօրեն

Որոշ մարդիկ, որոնք շփվել են կորոնավիրուսով վարակվածների հետ, թաքնվել են բժիշկներից։ Այս մասին լրագրողների հետ զրույցում նշեց «Շտապ բժշկական օգնություն» ՓԲԸ տնօրեն Թագուհի Ստեփանյանը։

«Անհասկանալի է, թե ինչու են այդպիսի մարդիկ թաքնվում։ Նրանք պետք է գտնվեն մասնագետների հսկողության տակ եւ հասկանան, որ կարող են վտանգ ներկայացնել շրջապատի համար։ Պետք է նրանք իրենց ավելի գիտակից պահեն, միայն այդպես կարելի է դուրս գալ ստեղծված իրավիճակից։ Ինչպե՞ս կարելի է թաքնվել»,- հարցրեց Ստեփանյանը։

Մյուս ծայրահեղությունը, երբ մարդիկ, մտածելով, որ վարակված են կորոնավիրուսով, շտապօգնություն են կանչում՝ կարծելով, որ բրիգադն իրենց կտանի ինֆեկցիոն հիվանդանոց, կթեսթավորի եւ տուն կվերադարձնի։ Իրականում վարակի կասկածի դեպքում պետք է դիմել ընտանեկան բժշկին եւ հայտնել նրան այն մասին, թե որտեղ եք դուք եղել վերջին օրերին եւ շփվել եք արդյոք վարակված որեւէ մեկի կամ հարազատների հետ։ Անհրաժեշտության դեպքում ընտանեկան բժիշկը պացիենտին կուղարկի «Նորք» ինֆեկցիոն հիվանդանոց, որտեղ նրան ախտորոշում կտան։

Թագուհի Ստեփանյանը հիշեցրեց, որ կորոնավիրուսի թեսթերը քմահաճույքով չեն արվում՝ դրանց անցկացման համար կան ցուցումներ, այդ թվում՝ ախտանիշներ, անամնեզ եւ այլն։

Նա հավելեց, որ եթե շտապօգնության բժիշկներին զինեն կորոնավիրուսի ռապիդ-թեսթերով, դա նկատելիորեն կնվազեցնի ինֆեկցիոն հիվանդանոցի բուժանձնակազմի ծանրաբեռնվածությունը։

Կարդացեք նաեվ

Շաբաթվա աստղագուշակ․ հունիսի 3-9-ը

Irina Abovyan

Ժամկետային զինծառայողները կապահովվեն 10-օրյա արձակուրդով

Irina Abovyan

Կենդանակերպի նշաններից ո՞ւմ կհաջողվի 5 տարի ապրել առանց դժվարությունների

Irina Abovyan

Հորոսկոպի նշաններ որոնց կյանքը մայիսի երկրորդ կեսին կլցվի երջանկությամբ

Irina Abovyan

Ինչ եղանակ է սպասվում

Irina Abovyan

Ադրբեջանը հայտնում է նոր կորստի մասին

Irina Abovyan