Հասարակություն

Ինչու «Երևան Սիթի»-ում մթերքի որոշ տեսակների գինը 1700-ից դարձավ 3500 դրամ. ՏՄՊՊՀ-ն կպարզի

Օրերս Տնտեսական մրցակցության պաշտպանության պետական հանձնաժողովի նախագահ Գեղամ Գևորգյանը հրավիրված մամուլի ասուլիսի ժամանակ վստահեցրեց, որ երկրում հաստատված մեկամսյա արտակարգ դրության պայմաններում ՏՄՊՊՀ-ում ստեղծվել է շուրջօրյա աշխատանքային խումբ, որը խոշոր տնտեսվարողների մոտ գների և պաշարների մոնիտորինգ է իրականացնում:

Պատկան կառույցի ղեկավարի հայտարարությունից կարելի էր ենթադրել, որ գերշահույթ ստանալու ցանկությունը կզսպի խոշոր տնտեսվարողների ախորժակը, և նրանք կորոնավիրուսի պայմաններում արտակարգ դրության մեջ հայտնված Հայաստանում իրենց պատկանող առևտրի կետերում թույլ չեն տա գոնե գների բարձրացում:

Բայց արի ու տես, որ, չնայած ստեղծված խմբի շուրօրյա աշխատանքին, գների բարձրացում է արձանագրվել, օրինակ, «Երևան Սիթի» սուպերմարկետների ցանցում:

Մասնավորպես՝ «Երևան Սիթի»-ում կոճապղպեղը (իմբիր), որը մինչև կորոնավիրուսի ՝ Հայաստան ներթափանցելը վաճառվում էր 1 կգ-ը 1600-1700 դրամով, այժմ արժե 3500 դրամ:

168.am-ը ՏՄՊՊՀ-ից փորձեց ճշտել՝ ինչո՞վ է պայմանավորված այս մթերքի՝ 1700-3500 դրամի գնագոյացման սալդոն, պարզե՞լ են իրենք՝ գինը բարձրացվել է օբյեկտի՞վ, թե՞ սուբյեկտիվ պատճառներով, և արդյո՞ք աշխատանքային խումբն այս մթերքի գնի կտրուկ տարբերությունն արձանագրել է իր դիտանցումների ժամանակ:

Մեր հարցերին ի պատասխան՝ ՏՄՊՊՀ-ից հայտնեցին, որ 44 անուն առաջին անհրաժեշտության ապրանքի մասով այժմ իրականացնում են դիտանցումներ, որոնց պատասխանները կհրապարակվեն ավելի ուշ:

«Ինչ վերաբերում է կոճապղպեղի գնին, ապա այդ մթերքի հետ կապված ձեր տեղեկությունը կփոխանցվի մեր մասնագետներին, և նրանք նաև այդ մթերքի մասով տնտեսվարողի մոտ գների մոնիտորինգ կիրականացնեն»,- փոխանցեցին ՏՄՊՊՀ-ից:

Նյութի աղբյուր168.am

Կարդացեք նաեվ

Թեստ. Ի՞նչը ձեր կյանքում միշտ կլինի

Irina Abovyan

Պահպանության աղոթք

Gevorg Kazaryan

Կրծքով կերակրելն պաշտպանում է նորածիններին վիրուսներից

Irina Abovyan

Ադրբեջանը հրադադարի պահպանման ռեժիմը խախտել է շուրջ 100 անգամ

Irina Abovyan

Կենդանակերպի ամենահաստատակամ և համառ նշանները. Ահա, թե ովքեր են նրանք

Irina Abovyan

Գայանե Ասիլբեկյանի ջախջախիչ գրառումը Մարգարիտա Սիմոնյանի և ամուսնու՝ Տիգրան Քեոսայանի մասին

Irina Abovyan