Հասարակություն

Բուժիչ սննդակարգ շաքարային դիաբետի ժամանակ

Շաքարային դիաբետի ժամանակ դիետան և ճիշտ սննդակարգը կարևոր դեր են խաղում, քանի որ շաքարային դիաբետը հիվանդություն է, որը կապված է նյութափոխանակության խանգարման հետ:

Հիվանդության ժամանակ ենթաստամոքսային գեղձի բնականոն գործունեության խանգարման արդյունքում նվազում է վերջինիս արտադրած ինսուլինը՝ հորմոն, որը պատասխանատու է օրգանիզմում շաքարի ընդունման (ձուլման) համար: Արյան մեջ շաքարի բարձր քանակությունը կարող է բերել ամենատհաճ հետևանքների:

Այսօրվա դրությամբ աշխարհում հաշվառված են շաքարային դիաբետով տառապող 150 միլիոն հիվանդ: Ըստ կանխատեսումների, այս թվերը 15 տարի հետո կարող են կրկնապատկվել:

Շաքարային դիաբետի դեպքում կարևոր նշանակություն ունի ճիշտ սննդակարգը:
Դիետայի հիմքում ընկած է ածխաջրերի և ճարպերի սահմանափակումը
Առաջնահերթ, պետք է սահմանափակել դյուրամարս ածխաջրերի օգտագործումը: Դրանք են՝ շաքար, մեղր, մուրաբաներ և ջեմեը, կոնֆետներ և այլ քաղցրավենիքներ, քաղցր մրգեր և հատապտուղներ՝ խաղող, բանան, չամիչ: Դիաբետի ցածր աստիճանի դեպքում խորհուրդ է տրվում ամբողջովին սննդակարգից հանել այս մթերքները: Թեթև և միջին աստիճանի ժամանակ, կանոնավոր հետազոտման պայմանով, թույլատրվում է օգտագործել չնչին քանակությամբ շաքար և քաղցրավենիքներ:
Ճիշտ սննդակարգ շաքարային դիաբետի դեպքում
Շաքարային դիաբետի ժամանակ խորհուրդ է տրվում կիրառել հետևյալ մթերքները.

• Հաց – օրական մինչև 200 գրամ, նախապատվությունը տրվում է սև կամ դիաբետով հիվանդների համար նախատեսված հացին,

• Ապուրներ, ցանկալի է բանջարեղենային: Ձկնային կամ մսային թույլ բուլյոնով պատրաստված ապուրներ կարելի է ուտել ոչ հաճախ, քան շաբաթական երկու անգամ,

• Անյուղ միս, թռչնամիս (օրական մինչև 100 գրամ) կամ ձուկ (օրական մինչև 150 գրամ) խաշած վիճակում,

• Հազվադեպ կարելի է օգտագործել հացահատիկային կամ մակարոնային ուտեստներ, այն էլ քիչ քանակությամբ և այդ օրերին նվազեցնելով հացի քանակը: Հացահատիկներից կրելի է օգտագործել վարսակ, հնդացորեն, բրինձ… Իսկ ահա ալյուրը ճիշտ կլինի բացառել,

• Բանջարեղեն և կանաչեղեն: Կարտոֆիլ, ճակնդեղ, գազար խորհուրդ է տրվում օգտագործել ոչ ավել քան օրական 200 գրամ: Իսկ ահա այլ բանջարեղեններ (կաղամբ, բողկ, վարունգ, դդմիկ, լոլիկ) և կանաչեղեն կարելի է օգտագործել անսահմանափակ քանակությամբ՝ հում կամ խաշած, հազվադեպ՝ խորոված տեսքով,

• Ձու՝ ոչ ավել քան օրական երկու հատ՝ թերխաշ կամ ձվածեղի տեսքով,

• Մրգեր և հատապտուղներ (խնձորներ, նարինջ, կիտրոն, լոռամիրգ, կարմիր հաղարջ…) օրական մինչև 200-300 գրամ:

• Կաթ՝ բժշկի թույլատվությամբ: Թթվայնություն ունեցող կաթնամթերքներ (կեֆիր, մածուն, առանց շաքարի յոգուրտ) օրական 1-2 բաժակ: Պանիր, թթվասեր, սերուցք կարելի է օգտագործել հազվադեպ, այն էլ փոքր քանակությամբ:

• Շաքարային դիաբետի ժամանակ կաթնաշոռ խորհուրդ է տրվում օգտագործել ամեն օր 100-200 գրամ:

• Ըմպելիքներից թույլատրելի են կանաչ և սև թեյեր, կարելի է նաև կաթով, ոչ թունդ սուրճ, տոմատի հյութ, թթվաշ մրգերի և հատապտուղների հյութեր:

Շաքարային դիաբետի ժամանակ սնունդ պետք է ընդունել ոչ պակաս քան օրական 4, իսկ ավելի լավ է 5-6 անգամ, և միևնույն ժամին:

Նյութի աղբյուր168.am

Կարդացեք նաեվ

9 օգտակար միրգ, որոնք պետք է ներառել ամենօրյա սննդակարգում

Irina Abovyan

Կենդանակերպի 5 կանայք, ովքեր տղամարդուն թույլ չեն տա ղեկավարել իրենց

Irina Abovyan

Բուժաշխատողների երեխաները ֆլեշմոբ են սկսել

Irina Abovyan

Ինչպես է բեռնատարը վրաերթի ենթարկում 7-ամյա տղային (տեսանյութ)

Irina Abovyan

Թշնամական ուժերը շուրջ 10 միավոր տեխնիկայի միջոցով առաջանալու փորձ են ձեռնարկել, սակայն, խոցվելով բանակային ուժերի կողմից, հետ են շպրտվել

Irina Abovyan

Էրեբունու բաժին բերման ենթարկվածի խուզարկությամբ ատրճանակ է հայտնաբերվել․ տղամարդը ձերբակալված է

Irina Abovyan