Հասարակություն

Հայաստանում հաստատվել է կորոնավիրուսի ևս 30 դեպք. գրանցված դեպքերի ընդհանուր թիվը 190 է

Հայաստանում մարտի 22-ին՝ ժամը 10:00-ի դրությամբ նոր կորոնավիրուսով վարակվելու ևս 30 դեպք է գրանցվել: Այս մասին հայտնում է ՀՀ ԱՆ հիվանդությունների և վերահսկման և կանխարգելման ազգային կենտրոնը: Ընդհանուր՝ հաստատված դեպքերի թիվ 190 է։

Հիշեցնենք, որ մարտի 22-ի դրությամբ Հայաստանում կար կորոնավիրուսի վարակի հաստատված 160 դեպք։ Մինչ օրս բուժվել է 2 քաղաքացի։

Վարակակիրներից 11-ի մոտ թոքաբորբ կա, հիվանդներից 3-ն ինտենսիվ թերապիայի բաժանմունքում են, սակայն նրանց կյանքին վտանգ չի սպառնում։

Հաստատված դեպքերի աճով պայմանավորված՝ Նորքի ինֆեկցիոն հիվանդանոցն այլևս միակ վայրը չէ, որտեղ քաղաքացիները գտնվում են կամ բուժում են ստանում․ կա շուրջ 5 բուժհաստատություն, ևս երկու մարզային բուժհաստատությունում կան հատուկենտ պացիենտներ։

Կորոնավիրուսով վարակվելու 136 հաստատված դեպքից 112-ը փոխկապակցված են երկու առաջնակի դեպքերի հետ։

Հիշեցնենք, որ վարակով պայմանավորված երկրում մարտի 16-ից ապրիլի 14-ը արտակարգ դրություն է սահմանվել։

Առողջապահության նախարարությունը կրկին կոչ է անում`

  • մնացե’ք տանը,

  • սահմանափակե’ք շփումները,

  • հետևե’ք անձնական հիգիենային,

  • հաճախակի լվացե’ք ձեռքերն օճառով` առնվազն 20 վայրկյան տևողությամբ, հատկապես սնունդ ընդունելուց առաջ և տուն մտնելուց հետո,

  • հնարավորության սահմաններում նվազեցրե’ք հանրային տրանսպորտից օգտվելը,

  • շփումների դեպքում պահպանե’ք առնվազն 1 մետր հեռավորություն,

  • գրիպանման երևույթների առկայության դեպքում չզբաղվե’լ ինքնաբուժմամբ, տեղեկացնել բժշկին,

  • եթե վերադարձել եք այնպիսի երկրներից, որտեղ համաճարակային իրավիճակը լարված է,

  • ինքնամեկուսացե’ք 14 օր` կապ հաստատելով պոլիկլինիկայի Ձեր բժշկի հետ,

  • պարբերաբար կատարեք ջերմաչափում` արդյունքների մասին տեղեկացնելով  բժշկին,

  • խուճապի մի’ մատնվեք և հետևեք Ձեր բժշկի խորհուրդներին:

    Հիշեցնենք, որ Առողջապահության նախարարությունում գործում է շուրջօրյա «թեժ գիծ» ծառայություն` 8003 և «օպերատիվ զանգերի կենտրոն»` 060838300 հեռախոսահամարներով

Կարդացեք նաեվ

Ալեն Սիմոնյանը կորոնավիրուսի թեստ է հանձնել

Irina Abovyan

Իմաստուն ծերունու գաղտնիքը երջանիկ լինելու մասին. Նախ պետք է ինքդ քեզ սովորեցնես երջանիկ լինել, հետո միայն փոխանցես սերունդներիդ

Irina Abovyan

Ադրբեջանի ԶՈՒ-ն կրակ է բացել Երասխի հատվածում հայկական դիրքերի ուղղությամբ. ՊՆ

Irina Abovyan

Ժամկետային զինծառայողները կապահովվեն 10-օրյա արձակուրդով

Irina Abovyan

Քրոջ հարսանիքին զինվոր եղբոր անակնկալ այցը

Irina Abovyan

Հինգ տարօրինակ արարք, որոնցով կանայք վանում են տղամարդկանց

Irina Abovyan