Հասարակություն

Աշխարհում կորոնավիրուսի դեմ մոտ 20 պատվաստանյութ է մշակվում․ ԱՀԿ

Մի քանի երկրներ զբաղվում են COVID-19 վիրուսի դեմ պատվաստանյութի ստեղծմամբ։ Ինչպես հայտնել է Առողջապահության համաշխարհային կազմակերպության (ԱՀԿ) փորձագետ Մարիա վան Կերխոուվը, այժմ աշխարհում մշակվում է շուրջ 20 պատվաստանյութ, գրում է CNBC-ն։

«Գիտահետազոտական կենտրոններն ամբողջ աշխարհում արագացնում են կորոնավիրուսային պատվաստանյութի մշակումը։ Ներկայում մշակվում է COVID-19 կորոնավիրուսային վարակի դեմ առնվազն 20 պատվաստանյութ: Նրանց առաջին կլինիկական փորձարկումներն արդեն սկսվել են»,- մամուլի ասուլիսի ժամանակ ասել է Մարիա վան Կերխոուվը։

Ելույթ ունենալով մամուլի ասուլիսում՝ ԱՀԿ արտակարգ իրավիճակների ծրագրի տնօրեն Մայքլ Ռայնը կարևորել է պատվաստանյութի ստեղծման ժամանակ բոլոր նախազգուշական միջոցների պահպանումը:

«Միակ բանը, որ կարող է ավելի վտանգավոր լինել վատ վիրուսից, վատ պատվաստանյութն է։ Մենք պետք է շատ զգույշ լինենք ցանկացած ապրանքի մշակման հարցում, որը հավանաբար կներկայացվի մոլորակի բնակչության մեծ մասին»,-հավելել է նա։

Հայտնի է, որ այս պահի դրությամբ ամբողջ աշխարհում կորոնավիրուսով վարակման ավելի քան 276 462 դեպք է գրանցվել, որից 11 417-ը` մահվան ելքով։ Ապաքինվել է ավելի քան 91 954 մարդ։

Չինաստանի իշխանություններն անհայտ տեսակի վարակի համաճարակի մասին Առողջապահության համաշխարհային կազմակերպությանը տեղյակ էին պահել դեկտեմբերի 31-ին:

Կարդացեք նաեվ

Կասկադյորական ավտովթար Երևանում. Mercedes-ը մասամբ հայտնվել է Toyota-ի վրա, Toyota-ն էլ բախվել է ծառին, տուժել է կայանված Opel-ը, կան վիրավորներ

Irina Abovyan

5 նշան այն բանի, որ դու գտել ես քո հասուն սերը

Irina Abovyan

Կորոնավիրուս ունեցող 4 պացիենտ է մահացել․ Առողջապահության նախարարություն

Irina Abovyan

Սպառողին մոլորեցնելու հայտնի ու անհայտ միջոցներ

Irina Abovyan

Երեխան տանից հեռախոսը վերցնում, տանում լոմբարդ ա դնում, փողն էլ ուրիշ բան ա անում․ ԿԲ փոխնախագահ

Irina Abovyan

Հոսպիտալացման ենթակա չեն այն հիվանդները, որոնք 38 աստիճանից բարձր ջերմություն չունեն․ բժիշկ

Irina Abovyan