Հասարակություն

Խոշոր ավտովթար Կոտայքի մարզում. 30-ամյա վարորդը «Արծվի թևեր»-ի մոտ Renault-ով 200 մետր գահավիժել է անդունդը. նրան հատուկ ճոպաններով ու պատգարակով մեծ դժվարությամբ դուրս են բերել փրկարարները.

Այսօր՝ մարտի 20-ին, խոշոր ավտովթար է տեղի ունեցել Կոտայքի մարզում: Ժամը 20:30-ի սահմաններում Երևանի բնակիչ, 30-ամյա Ալբերտ Սարգսյանը իր վարած Renault մակնիշի 26 ԼՏ 652 համարանիշի ավտոմեքենայով Երևան-Սևան ավտոճանապարհի 14-րդ կմ հատվածում՝ ժողովրդին հայտնի «Արծվի թևեր»-ի մոտ՝ դեպի Երևան ընթանալիս, դուրս է եկել ճանապարհի երթկելի գոտուց, մի քանի պտույտ գլորվելով և ապառաժ քարերին բախվելով՝ կողաշրջված վիճակում հայտնվել է անդունդում: Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով վարորդը, ում մոտ 200 մետր անդունդից հատուկ ճոպանների ու պատգարակի միջոցով դուրս են բերել օպերատիվորեն ժամանած հրշեջ-փրկարարները, ծայրահեղ ծանր ախտորոշմամբ տեղափոխվել է «Սուրբ Գրիգոր Լուսավորիչ» բժշկական կենտրոն: Օպերատիվորեն դեպքի վայր են ժամանել ճանապարհային ոստիկանության 2-րդ սպայական գումարտակի 3-րդ վաշտի 1-ին դասակի ծառայողները՝ վաշտի հրամանատար Արթուր Պետրոսյանի, դասակի հրամանատար Տիգրան Քոթանջյանի գլխավորությամբ: Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Երվանդ Ալեքսանյանը տեղեկությունը փոխանցել է ոստիկանության Աբովյանի բաժին, որտեղից ժամանել է օպերատիվ խումբը՝ բաժնի պետ Անդրանիկ Մելոյանի գլխավորությամբ: Տեղում հետաքննչական աշխատանքները ղեկավարել է ՃՈ 2-րդ սպայական գումարտակի 3-րդ վաշտի ավագ հետաքննիչ Մայիս Բադոյանը, ում կողմից փաստի առթիվ նյութեր են նախապատրաստվում:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Կարդացեք նաեվ

Պատ երազմի օրերից մի դեպք է մեջս տպավորվել՝ 18-ամյա զինվորին տեղափոխում էինք հոսպիտալ, հարցրի՝ տանեցիների հետ ե՞րբ է խոսել, ասաց… ռազմաբժշկական ֆակուլտետի կուրսանտի պտմությունը

Irina Abovyan

Դդմիկը կորեական ձևով, շատ համեղ է

Irina Abovyan

Թուրքերն ու ադրբեջանցիներն ուզում են «բազմազգ» մշակութային արժեք դուդուկը ներառել ՅՈՒՆԵՍԿՕ-ի ցանկում

Irina Abovyan

Քանի՞ տրանսպորտային միջոցի չի թույլատրվել մարզից մարզ տեղափոխվել. փոխոստիկանապետի պարզաբանումը

Irina Abovyan

Գյուղի տղամարդկանց մեծամասնությունը կամավորագրվել է. ինչ իրավիճակ է Խոզնավարում (VIDEO)

Irina Abovyan

375․ Արսեն Թորոսյանը հրապարակեց բուժանձնակազմում վարակվածների թիվը

Irina Abovyan