Քաղաքականություն

Փաշինյանը Նովրուզի կապակցությամբ շնորհավորական ուղերձներ է հղել Սեյեդ Ալի Խամենեիին և Հասան Ռոհանիին

Վարչապետ Նիկոլ Փաշինյանը Նովրուզի կապակցությամբ շնորհավորական ուղերձներ է հղել Իսլամական հեղափոխության գերագույն առաջնորդ Սեյեդ Ալի Խամենեիին և Իրանի Իսլամական Հանրապետության նախագահ Հասան Ռոհանիին:   Այս մասին տեղեկացնում է Վարչապետի աշխատակազմը։

Իսլամական հեղափոխության գերագույն առաջնորդին հղված ուղերձում, մասնավորապես, ասված է.

«Ձերդ Վսեմություն,

Ջեր­մո­րեն շնոր­հա­վո­րում եմ Ձեզ և Ի­րա­նի բա­րե­կամ ժո­ղովր­դին ի­րա­նա­կան Ա­մա­նո­րի՝ Նով­րու­զի կա­պակ­ցութ­յամբ:

Թող գա­լիք տա­րին Ի­րա­նի հա­մար լի­նի բո­լոր ո­լորտ­նե­րում ձեռք­բե­րում­ների, խաղաղության և բա­րօ­րութ­յան տա­րի:

Համոզված եմ, որ մեր երկրների միջև բարեկամության կապերն ու համագործակցությունն էլ ավելի են ամրապնդվելու ի նպաստ մեր ժողովուրդների առաջընթացի և տա­րա­ծաշր­ջա­նա­յին կա­յու­նութ­յա­ն ու խաղաղության:

Իրանի բարեկամ ժողովրդին մաղթում եմ նաև քաջառողջություն և համբերություն՝ մեզ բոլորիս պատուհասած համաճարակին Աստծո օգնությամբ դիմակայելու և դրա հասցրած վնասներից շուտափույթ ապաքինվելու համար»:

Վարչապետ Փաշինյանի՝ ԻԻՀ նախագահին հղված ուղերձում նշված է.

«Ձերդ Գերազանցություն,

Ջեր­մո­րեն շնոր­հա­վո­րում եմ Ձեզ և Ի­րա­նի բա­րե­կամ ժո­ղովր­դին գար­նա­նա­մու­տի գե­ղե­ցիկ տո­նի՝ Նով­րու­զի կա­պակ­ցութ­յամբ:

Թող այս հի­նա­վուրց տո­նը խա­ղա­ղութ­յուն և բա­րե­կե­ցութ­յուն բե­րի բա­րե­կամ Ի­րա­նին:

Հա­մոզ­ված եմ, որ հա­մա­տեղ ջան­քե­րով կկա­րո­ղա­նանք կյան­քի կո­չել Իրան կա­տա­րած իմ այ­ցի ըն­թաց­քում ձեռք բեր­ված պայ­մա­նա­վոր­վա­ծութ­յուն­ները՝ ի շահ մեր եր­կու ժո­ղո­վուրդ­նե­րի:

Մարդկությանը պատուհասած փորձության այս օրերին ցան­կա­նում եմ հայ ժո­ղովր­դի զորակցությունը հայտնել Իրանի բարեկամ ժողովրդին և առողջություն մաղթել բոլորին: Ցավում եմ, որ ստեղծված իրավիճակի պատճառով այս տարի Հայաստանը չկարողացավ Նովրուզի օրերին հյուրընկալել մեր բարեկամ իրանցիներին: Սակայն լիահույս եմ, որ հաջորդ տարի մեր դռները կրկին բաց կլինեն Իրանի բոլոր քաղաքացիների համար»:    

Կարդացեք նաեվ

Ռուս խաղաղապահները Գորիսից ուղևորվում են Արցախ

Irina Abovyan

Շուռնուխը մերը չէ, չենք կարող պահանջել Ադրբեջանից՝ հրաժարվել իրենց խորհրդային սահմաններից

Irina Abovyan

Ֆիզիկական ազատություն՝ քաղաքական անազատության դիմաց. Ռոբերտ Քոչարյանը՝ բազմաքայլ խաղում

Irina Abovyan

Պետության դիտավորյալ ապամոնտաժումը շարունակվում է․ Աշոտյան

Irina Abovyan

ՏԵՍԱՆՅՈՒԹ. Արդյոք պառակտվում է ընդդիմությունը. վարչապետի թեկնածուի հարցում տարակարծություն կա. Դավիթ Խաժակյան

Irina Abovyan

Ոչ ինքը, ոչ իրա շարժումը ինձ հետաքրքիր չեն.քաղաքացին՝ ԲՀԿ հանրահավաքի մասին

Irina Abovyan