Քաղաքականություն

Սերժ Սարգսյանի գրասենյակը հայտարարություն է տարածել


ՀՀ երրորդ նախագահ, ՀՀԿ նախագահ Սերժ Սարգսյանը ՀՀԿ կենտրոնական գրասենյակից ժամանակակից կապի միջոցներով ամենօրյա շփման մեջ է իր գլխավորած քաղաքական ուժի ղեկավար կազմի, կառույցների պատասխանատուների և համակիրների հետ, ըստ անհրաժեշտության հանդիպումներ է ունենում և ուշի-ուշով հետևում կորոնավիրուսի համավարակի պատճառով աշխարհում տեղի ունեցող զարգացումներին և այդ տեսանկյունից` ներհայաստանյան իրավիճակին:

Սերժ Սարգսյանի առաջարկով «Լույս» մշակութային, գիտական, կրթական հիմնադրամը և տարբեր ոլորտներում պետական կառավարման փորձ ու գիտելիք ունեցող՝ կուսակցության անդամները, մասնագետները վերլուծում և առաջարկներ են մշակում ստեղծված իրավիճակում պետական պաշտպանության, անվտանգության, տնտեսական ոլորտի, կրթության, առողջապահության, սոցիալական ապահովության և այլ ոլորտներում ճգնաժամային արդյունավետ կառավարման, կարճաժամկետ և երկարաժամկետ ռազմավարությունների իրագործման ուղղությամբ` հաշվի առնելով աշխարհում օրեցօր փոփոխվող միտումները` առաջացող նոր ռիսկերը, մարտահրավերներն ու հնարավորությունները:

Այդ առաջարկները շարունակաբար ներկայացվում են ՀՀ կառավարությանը` երկիրը ստեղծված բարդ իրավիճակից հնարավորինս անցնցում և անվտանգ դուրս բերելու, կարող բոլոր ուժերին համախմբելու մղումով:

ՀՀ երրորդ նախագահը վստահ է, որ ՀՀ բոլոր հասարակական, քաղաքական ուժերը, անհատները, սփյուռքում գործող կառույցները և մեր հայրենակիցները ստեղծված իրավիճակում պետք է գործեն համազգային կոնսոլիդացիայի սկզբունքով` ի շահ Հայաստանի, նրա քաղաքացիների և ողջ հայ ժողովրդի:

Կարդացեք նաեվ

ՏԵՍԱՆՅՈՒԹ. «Իր աթոռը պահելու համար Նիկոլ Փաշինյանը պատրաստ է ամենաստոր քայլերին». Իվետա Տոնոյանն ընթեցեց Ծառուկյանի ուղերձը

Irina Abovyan

Միջազգային հանրությունը հայության նկատմամբ իրականացվողն այլևս պետք է կոչի իր անունով՝ ցեղասպանություն․ պատմաբան

Irina Abovyan

Ռուս փրկարարները Ստեփանակերտի մոտակայքում ճամբար են տեղակայել

Irina Abovyan

Պարոնայք ներքին տականքներ, դուք մոռացել եք ՍԱ․․ Ալիս Սողոմոնյանի ջախջախիչ անդրադարձը ուղղված բոլոր ներքին թշնամիներին

Irina Abovyan

ՀԱՊԿ-ում գիտեն՝ ՀՀ զինված ուժերը վերահսկում են իրավիճակը, այլ միջամտության կարիք չկա. ԱԺ նախագահ

Irina Abovyan

Ընդդիմության հանրահավաքն՝ ի աջակցության բանակի և Փաշինյանի հրաժարականի պահանջով

Irina Abovyan