Հասարակություն

Չկան դժվարություններ, կան դասեր

Կորոնավիրուսի եւ մի շարք այլ պատճառներով աշխարհը թեւակոխում է հերթական տնտեսական ճգնաժամի ժամանակաշրջան, եւ դա չի կարող ազդեցություն չունենալ Հայաստանի տնտեսության վրա: Հիշեցնեմ, որ 2009 թվականին նախորդող տարվա տնտեսական եւ ֆինանսական ճգնաժամի պատճառով մեր երկրի ՀՆԱ-ն անկում ապրեց ավելի քան 15 տոկոսով: Բացառված չէ, որ 2020 թվականի ցուցանիշները նույնպես փայլուն չլինեն: Բայց, ինչպես ասում են, չկան դժվարություններ, սխալներ ու անհաջողություններ՝ կան դասեր: Եվ, հետեւաբար, էականը բուն անկումը չէ: Կա ավելի կարեւոր հարց. ինչպե՞ս են աշխարհի երկրները վերակառուցելու իրենց տնտեսությունը, որքանո՞վ ճիշտ են լինելու այդ երկրների «տնտեսական բլոկի» պաշտոնյաների, տնտեսագետների եւ գործարարների կանխատեսումները: Իհարկե, նման կանխատեսումներ անելը նեղ մասնագիտական խնդիր է, որի լուծումն այսօր չգիտեն անգամ տնտեսագիտության բնագավառում Նոբելյան մրցանակի դափնեկիրները: Բայց, կարծում եմ, պետք չէ լինել «տնտեսական գուրու»՝ արձանագրելու համար, որ նավթային դարաշրջանն ամբողջ աշխարհում մոտենում է ավարտին: Երեկ առավոտյան նավթի գինը կազմել է 23,5 դոլար բարելի դիմաց, եւ, մեկնաբանելով այդ փաստը, ռուսաստանյան խոշորագույն «Լուկոյլ» նավթային ընկերության համասեփականատեր եւ փոխնախագահ Լեոնիդ Ֆեդունը դա ոչ ավելի, ոչ պակաս «աղետ» է անվանել: Իհարկե, գինը կարող է էլի բարձրանալ, բայց ենթադրում եմ, որ «նավթային» երկրների ղեկավարները պետք է հասկանան, որ տեսանելի ապագայում այլեւս հնարավոր չի լինի տնտեսությունը կառուցել նավթի վրա եւ այն կախման մեջ դնել այդ մեկ ապրանքի գնից: Դա մոտավորապես նույնն է, որ որեւէ ֆերմեր իր հաշվարկները հիմնի այն ենթադրության վրա, որ տարին 365 օր բարենպաստ եղանակ կլինի: Պետություններից եւ գործարարներից պահանջվելու է հնարամտության, ստեղծագործական մոտեցման նոր մակարդակ, եւ այս առումով Հայաստանն իսկապես կարող է շահել: Կարդացեք նաև Այս բո­լոր գոր­ծո­ղու­թյուն­ներն ի­րա­կա­նաց­վե­ցին, սա­կայն ա­վե­լի ուշ, քան կա­րե­լի էր ա­նել. Աննա Կոստանյան Համանախագահները զգուշացրել են Ադրբեջանին. կլինի ծանր հետևանք. «Ժամանակ» Որքան շուտ արտակարգ դրություն հայտարարենք, այնքան ավելի շատ կյանքեր կփրկենք. Վիտալի Բալասանյան Հայերը հնարամտության առումով առնվազն չեն զիջում մնացած օրերին: Եվ տնտեսվարողները, օգտվելով այս «կիսապարապուրդային» վիճակից, պետք է մտածեն ապագայի մասին, ձեռք բերեն նոր գիտելիքներ եւ հմտություններ: Եվ ինչո՞ւ միայն տնտեսվարողները: Այս իրավիճակը բոլորիս համար լավ հնարավորություն է ստեղծել գնահատելու, օրինակ, հեռավար ուսուցման եւ աշխատանքի հնարավորությունները: Այն, որ մարդիկ (ոչ միայն երիտասարդները) ստիպված են գիտելիքներ տալ եւ ստանալ կամ աշխատել հեռավար եղանակով, գուցե հնարավորություն տա նրանց նորովի նայել իրենց մասնագիտությանը, նոր ճանապարհներ գտնել ինքնակատարելագործվելու: Եվ այդ նոր հայացքը հաստատ պետք կգա նաեւ այն ժամանակ, երբ վարակը նահանջի:

Կարդացեք նաեվ

Ադրբեջանական կողմի կրակոցից մեքենա այրվել է, սակայն այն գումարտակի հրամանատարին չի սպասարկում․ ՊՆ խոսնակ

Irina Abovyan

Առանց մսի կոտլետի նոր, հետաքրքիր բաղադրատոմս․ այսքան համեղ, պարզ ու մատչելի կոտլետ չեք փորձել

Irina Abovyan

Աստղագուշակ՝ մայիսի 12-ի համար

Irina Abovyan

Առաջնագծի տարբեր ուղղություններով թշնամին կրկին անցել է նախահարձակ գործողությունների

Irina Abovyan

ՏԵՍԱՆՅՈՒԹ. Հայոց Եռագույնը տեղադրվեց Արաքսի ձախ ափին. ՏԱՐԱԾԵԼ

Irina Abovyan

«Սև ծովից հանրապետության տարածք սառը օդային հոսանքների ներհոսքը սկսվել է». Գագիկ Սուրենյան

Irina Abovyan