Հասարակություն

Երեկ Կառավարության գլխավոր մասնաշենքում առաջացած հրդեհի ժամանակ ԱԻՆ ՓԾ բժշկական ապահովման վարչության բժիշկները համապատասխան բուժօգնություն են ցուցաբերել անվտանգության 8 աշխատակցի. ՖՈՏՈՌԵՊՈՐՏԱԺ

Երեկ՝ մարտի 19-ին, SHAMSHYAN.com-ը տեղեկություն էր հրապարակել ՀՀ կառավարության շենքում տեղի ունեցած հրդեհի վերաբերյալ։ Ինչպես հայտնում է ֆոտոլրագրող Գագիկ Շամշյանը, պարզվել է՝ հրդեհը բռնկվել է կառավարության 1-ին մասնաշենքի 4-րդ հարկի աշխատասենյակներից մեկում։ Տեղում հրդեհի բարդության թիվ 2 կանչով ժամանել էին ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից 6 մարտական հաշվարկ, 1 ավտոսանդուղք, հրդեհաշիջման և փրկարարական աշխատանքների կազմակերպման բաժնի օպերատիվ խումբը, ճգնաժամային կառավարման ազգային կենտրոնի օպերատիվ խումբը, ինչպես նաև բժշկական ապահովման վարչության բժիշկների հերթապահ խումբը։ Բարեբախտաբար, օպերատիվ գործողությունների արդյունքում հրդեհը կարճ ժամանակում մեկուսացվել է, և պարզվել է, որ այրվել են գրասեղանը, պահարանը, համակարգիչը, տպիչ սարքը, հեռախոսը, շերտավոր վարագույրն ու մանրահատակը, ջերմահարվել է նաև պատուհանը։ Ֆոտոլրագրողի տեղեկություններով՝ կառավարության շենքում իրենց ծառայությունը կատարող 8 անվտանգության աշխատակիցների, ովքեր ծխահարված են եղել, տեղում բժշկական ապահովման վարչության բժիշկները ցուցաբերել են համապատասխան բուժօգնություն, ինչի շնորհիվ կարիք չի եղել նրանց հոսպիտալացնել։ Հրդեհի հետևանքով, բարեբախտաբար, տուժածներ չկան։ Ֆոտոլրագրողը հայտնում է նաև, որ այս օրերին ԱԻՆ ՓԾ բժշկական ապահովման վարչության բժիշկները նաև կատարում են մեկ այլ ազգանվեր աշխատանք՝ կորոնավիրուսով հիվանդներին տեղափոխելով համապատասխան վայրեր։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Ֆոտոռեպորտաժ

Կարդացեք նաեվ

Սևան-Դիլիջան ճանապարհին «Ford»-ը և Իջևան-Երևան երթուղին սպասարկող «ԳԱԶել»-ը բախվել են․ կա 12 տուժած.ՏԵՍԱՆՅՈՒԹ

Irina Abovyan

Պատրաստում ենք նրբահամ տորթ «Նատաշա»

Irina Abovyan

Այո Արմեն Աշոտյանի նմաներին հաջողվեց. Գնել Սարգսյան

Irina Abovyan

Հայաստանում գրանցվել է կորոնավիրուսի 1193 նոր դեպք, 31 մահ

Irina Abovyan

Տեսնես քանի հազար մարդ մտածեց, որ ճիշտը Ծառուկյանին ունեզրկելն է. Ռուբեն Մելիքյան

Irina Abovyan

Երեւանից գնացել էր Գյումրի եւ սպանել իրեն վիրավորած օգտատիրոջը

Irina Abovyan