Հասարակություն

Լուկաշենկոն անեկդոտ է պատմել կորոնավիրուսի, օղու և Ժիրինովսկու մասին

Բելառուսի նախագահ Ալեքսանդր Լուկաշենկոն երկրում համաճարակային իրավիճակի մասին քննարկմանը անեկդոտ է պատմել ռուս քաղաքական գործիչ Վլադիմիր Ժիրինովսկու մասին: Այս մասին գրում է РИА Новости գործակալությունը:

«Քննադատեց նա (Ժիրինովսկին), որ օղի չի կարելի, ինչ շոգեբաղնիք, Լուկաշենկոն սխալ է: Գալիս է տուն ու կնոջն ասում է. «100 գրամ լցրու, բուժվեմ կորոնավիրուսից»: Կինը նրան պատասխանում է. «Վոլոդյա, ախր դու հենց նոր քննադատում էիր Լուկաշենկոյին և ասում, որ օղին չի օգնում»: «Ես դա մյուսների համար էի ասում, իսկ ինձ լցրու: Լուկաշենկոն հիմար չէ, մի բան գիտի, որ ասում է»: Կինը նրան նորից ասում է. «Վոլոդյա, ախր ռուսները բաղնիքից հետո են 100 գրամ խմում»: Ժիրինովսկին. «Դա ռուսական ձևով, իսկ ես հրեականով եմ անում, 100 գրամ բաղնիքից առաջ և 100 գրամ բաղնիքից հետո: Լցրու»: Անեկդոտի է նման, նամանավանդ, որ մեր թեմային մոտ է: Ներողություն եմ խնդրում Վլադիմիր Վոլֆովիչից, բայց չէի կարող ինձ թույլ տալ չպատմել սա»,-ասել է Բելառուսի նախագահը:

Ավելի վաղ Լուկաշենկոն պաշտոնյաներին մի քանի խորհուրդներ էր տվել կորոնավիրուսով չվարակվելու համար: Մասնավորապես, նա խորհուրդ էր տվել ավելի հաճախ լվանալ ձեռքերը և ժամանակին սնվել: Բելառուս առաջնորդը հայտարարել էր նաև, որ վիրուսի դեմ կարելի է պայքարել օղու միջոցով և շաբաթական երկու-երեք անգամ շոգեբաղնիք գնալով: Ժիրինովսկին, իր հերթին, քննադատել էր Լուկաշենկոյի խորհուրդները:

Կարդացեք նաեվ

Չորրորդն էլ ոչնչացվեց. Փաշինյան

Irina Abovyan

Ինչպես բուժել բրոնխիտը տնային պայմաններում

Irina Abovyan

Խոշոր ավիավթար Ինդոնեզիայում

Irina Abovyan

Լևոն Արոնյանը ընկերուհի ունի՞ լուսանկարներ

Irina Abovyan

ՏԵՍԱՆՅՈՒԹ. Ամբողջ ուղղությամբ մարտերը շարունակվում են, հրթիռակոծությունները՝ նույնպես. իրավիճակի ամփոփում 13:30-ի դրությամբ

Irina Abovyan

Ոչ թե ցավալի փոխզիջում, այլ պանծալի հաղթանակ․ Մարինա Պողոսյան

Irina Abovyan