Բոլոր դասղեկները պարտադիր հավելավճար կստանա՞ն.

ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի այսօրվա նիստում քննարկվեց «Հանրակրթության մասին» ՀՀ օրենքում փոփոխություն եւ լրացում կատարելու մասին ԲՀԿ պատգամավոր Միքայել Մելքումյանի օրինագիծը: Նա ներկայացրեց օրինագծի նախապատմությունը՝ շեշտելով, որ դպրոցներում դասղեկի ինստիտուտը վերաիմաստավորման կարիք ունի. «Բոլոր դպրոցներում դասղեկները, կախված մի շարք չափանիշներից, տարբեր հավելավճարներ են ստանում: Դա կարող է կախված լինել, օրինակ, աշակերտների թվից»: The first session of the Investigation Committee to investigate the validity of gas and electricity tariffs took place at the RA National Assembly Մելքումյանը հավելեց՝ ըստ ԿԳՄՍ տեղեկանքի՝ ՀՀ-ում կա 17.016 դասղեկ. «1295-ը ստանում է մինչեւ 5000, 2815-ը՝ 5000-10.000, իսկ 6400-ը՝ 20.000 դրամ եւ ավելի հավելավճար: Ցավոք, Երեւանում եւ մարզերում 225 դասղեկ որեւէ հավելավճար չի ստանում: Այս օրինագծով մենք ամրագրել ենք, թե ով է դասղեկը: Ամրագրել ենք նաեւ, որ դասղեկը պարտադիր պետք է հավելավճար ստանա, իսկ չափը կորոշի կառավարությունը»: Պատգամավորը կարծում է, որ մոտեցումը միասնական պետք է լինի, եւ բոլորը պետք է ստանան հավելավճար. «Օրենքով է պետք սահմանել դասղեկի ինստիտուտը եւ հավելավճար ստանալը»: Կառավարության դիրքորոշումն այս օրինագծի վերաբերյալ դրական չէր: ԿԳՄՍ նախարար Արայիկ Հարությունյանը շեշտեց. «Ձեր մղումը ճիշտ է, եւ նախարարությունն էլ ունի մտահոգություն: Պարբերաբար բողոքներ ենք ստանում, որ որոշ դպրոցներում դասղեկները չեն ֆինանսավորվում: Բայց կարծում ենք, որ լուծումն այլ տեղում պետք է փնտրել: Դպրոցները ֆինանսավորվում են ըստ աշակերտների թվի: Դրանից կախված՝ դպրոցների մի մասը չի կարողանում վճարել դասղեկներին: Այս օրինագծով լրացուցիչ խնդիրներ կստեղծենք դպրոցների համար»: Կարդացեք նաև Իրավաբան. «Երեխաների առողջական և կրթական միջոցառումների իրականացումն իրականացվելու է ընդհանուր կարգավորումներով» ԿԳՄՍ նախարար. «Խնդիրներում նույնական ենք լավագույն հեռավար կրթական համակարգեր ունեցող երկրների հետ» Ի թիվս այլի, պետությունը պետք է իրականացնի ոչ ստանդարտ միջոցառումներ` պետական բյուջեից խոշորածավալ պետական ներդրումներ. Միքայել Մելքումյան Նախարարը տեղեկացրեց, որ մինչեւ սեպտեմբեր քննարկելու են դպրոցների ֆինանսավորման բանաձեւը եւ ավելի բարելավելու իրավիճակը. «Կարծում եմ՝ լուծումն այդտեղ պետք է լինի, եւ դասղեկների լրացուցիչ ֆինանսավորման կարիք չենք տեսնում: Այս օրինագծի ընդունման դեպքում կարող է խնդիր առաջանալ, որ, օրինակ, ուսմասվարների եւ գրադարանավարների համար էլ հավելավճար սահմանվի: Առաջարկում ենք լրացուցիչ քննարկում կազմակերպել եւ խնդիրը ֆինանսավորման բանաձեւի շրջանակում լուծել»: Միքայել Մելքումյանն արձագանքեց, որ երկու ամսով հետաձգում է իր օրինագծի քննարկումը: