Հասարակություն

Ինչպես ընտրել ճիշտ ախտահանող միջոց

Վիրուսներից ու բակտերիաներից պաշտպանվելու համար լավագույն միջոցը հասարակ օճառով լվացվելն է, սակայն լինում են դեպքեր, երբ ձեռքերը լվանալու հնարավորություն չի լինում, ուստի հարկավոր է լինում փնտրել ախտահանման այլընտրանքային տարբերակներ: Նման դեպքերում օգնության են հասնում հատուկ հակասեպտիկ միջոցները, սակայն օրգանիզմին վնաս չհասցնելու համար հարկավոր է ճիշտ ընտրել ախտահանող միջոցն ու սովորել այն ճիշտ օգտագործել:

Ախտածին բակտերիաներից պաշտպանվելու համար հարկավոր է ընտրել սպիրտ պարունակող միջոցներ, որոնք առավել արդյունավետ են և վտանգավոր չեն մաշկի համար: Նման հակասեպտիկ միջոցների հաճախակի գործածությունը կարող է դառնալ մաշկի չորության պատճառ, սակայն այս խնդրից կարելի է հեշտությամբ ազատվել խոնավացնող նրբաքսուքի միջոցով:

Ախտահանող միջոցն ընտրելիս հարկավոր է ուշադրություն դարձնել դրա վրա առկա նշումներին: Այն պետք է անպայման օժտված լինի հակաբակտերիալ կամ հակասեպտիկ հատկություններով, այլապես չի պաշտպանի ինչպես հարկն է: Ընդ որում՝ հարկավոր է հաշվի առնել, որ հակաբակտերիալ միջոցներն իրենց արդյունավետությամբ մի փոքր զիջում են հակասեպտիկ միջոցներին:

Սպիրտ պարունակող ախտահանիչ միջոցներն ունենում են բավական սուր հոտ, սակայն օգտագործելուց 15-20 վայրկյան անց այն անհետանում է:

Երեխաների մաշկի համար սպիրտային ախտահանիչ միջոցները կարող են վտանգավոր լինել, ուստի խորհուրդ է տրվում դրանք չօգտագործել: Խնդիրներից խուսափելու համար հարկավոր է փոքրիկների մաշկն ախտահանել ջրի հիման վրա պատրաստված միջոցներով: Նման միջոցներն ունում են ավելի ցածր արդյունավետություն, սակայն դրանք անվնաս են երեխաների համար և այնուամենայնիվ որոշակիորեն պաշտպանում են ախտածին տարրերից:

Ինչպես ճիշտ օգտագործել ախտահանող միջոցները

Մաշկը ճիշտ ախտահանելու և վնասակար միկրոօրգանիզմները ոչնչացնելու համար հարկավոր է սովորել ճիշտ օգտագործել նման միջոցները: Հարկավոր է.

·         մոտ 3 մլ ախտահանող միջոցը լցնել ափի մեջ և տարածել այն ձեռքերի ամբողջ մակերևույթին,

·         մոտ 30 վայրկյան դրանով մշակել մաշկը՝ հատուկ ուշադրություն դարձնելով եղունգներին ու դրանց տակ եղած բաց հատվածներին,

·         սպասել մինչև ախտահանող միջոցը չորանա,

·         անհրաժեշտության դեպքում մաշկին խոնավացնող նրբաքսուք քսել:

Սակայն մասնագետներն այնուամենայնիվ նախազգուշացնում են, որ ոչ մի հակասեպտիկ միջոց չի կարող նույնքան լավ մաքրել մաշկն ախտածին տարրերից, որքան հասարակ օճառով լվացվելը: Սա է պատճառը, որ հասարակական վայրեր այցելելուց, զուգարանից և հասարակական տրանսպորտից օգտվելուց հետո հարկավոր է անհապաղ լվանալ ձեռքերը: Բացի այդ, ձեռքերն անհրաժեշտ է լվանալ նաև սնվելուց առաջ ու հետո, ինչը շատ կարևոր է մանրէներից ու բակտերիաներից պաշտպանվելու համար:

Նյութի աղբյուրը՝ med2.ru

Կարդացեք նաեվ

Կորոնավիրուսից մահացած պացիենտները եղել են 79 և 58 տարեկան

Irina Abovyan

Կորոնավիրուսը կվերածվի սեզոնային գրիպի. աստղաբան

Irina Abovyan

Համառ մարտեր են ընթացել հարավային ուղղությամբ, որոնց ընթացքում մեր զորքերին հաջողվել է կասեցնել հակառակորդի հարձակողական մի քանի գրոհներն ու հետ շպրտել ելման բնագծեր. Արծրուն Հովհաննիսյան (տեսանյութ)

Irina Abovyan

Հայաստանում իրավիճակը գնահատվում է ծանր

Irina Abovyan

Խոսել եմ Աստծո հետ, նա ասել է, որ մեզ հետ ամեն ինչ կարգին կլինի. Լեդի Գագա

Irina Abovyan

36 ժամ ջուր չի լինելու Շենգավիթ վարչական շրջանում, այդ թվում Էրեբունի օդանավակայանում

Irina Abovyan