Քաղաքականություն

Որ հաստատությունները պետք է փակվեն, որոնք՝ ոչ. Արփինե Հովհաննիսյան

«Իրավական կրթություն և վերահսկողություն» հկ հիմնադիր, ՀՀ արդարադատության նախկին նախարար Արփինե Հովհաննիսյանը ֆեյսբուքյան իր էջում գրում է. «ՄԱՍ 3 (ՀԱՆՐԱՅԻՆ ՄԻՋՈՑԱՌՈՒՄՆԵՐ, ՏԱՐԲԵՐ ՀԱՍՏԱՏՈՒԹՅՈՒՆՆԵՐԻ ԱՇԽԱՏԱՆՔԱՅԻՆ ՌԵԺԻՄԸ) ( որ հաստատությունները պետք է փակվեն, որոնք՝ ոչ) Երեկ ուշ գիշեր արդեն իսկ հրապարակվեց պարետ Տիգրան Ավինյանի առաջին որոշումը, որով մարտի 17-ի ժամը 12։00-ից Հայաստանի Հանրապետության ԱՄԲՈՂՋ ՏԱՐԱԾՔՈՒՄ արգելվում է հանրային միջոցառումների կազմակերպումը, անցկացումը և դրանց մասնակցությունը: Սա նշանակում է, որ արգելվում են 20 և ավելի անձանց մասնակցությամբ անցկացվող հետևյալ միջոցառումները․ ❗համերգները, ցուցահանդեսները, ցուցադրությունները, թատերական ներկայացումները և սպորտային, մշակութային, կրթական այլ միջոցառումները, ❗ժամանցային միջոցառումները, ❗տոնական և հիշատակի միջոցառումները,( ծննդյան (տարեդարձի), հարսանյաց (նշանադրության), հոգեհանգստի և թաղման միջոցառումները և այլ) ✅Հոգեհանգստի և թաղման միջոցառումների դեպքում սահմանվելու են մասնակցության ավելի լայն հնարավորություններ` հետևելով որպեսզի մարդկանց կուտակումներ արարողության ժամանակ չլինեն։ Ո՞Ր ՀԱՍՏԱՏՈՒԹՅՈՒՆՆԵՐՆ ԵՆ ԱՇԽԱՏԵԼՈՒ ❗Արտակարգ դրության ողջ ընթացքում դադարեցվում է պետական, համայնքային և ոչ պետական հանրակրթական, միջազգային ուսումնական հաստատություններում ուսումնական գործընթացը, բացառությամբ այն ուսումնական հաստատությունների, որոնք ունեն հեռավար ուսուցման հնարավորության: ❗Պարետի ցուցումով համապատասխան համայնքներում արգելվում է հանրային սննդի օբյեկտների, առևտրի և զվարճանքի բազմաֆունկցիոնալ կենտրոնների գործունեությունը, օրինակ `մոլեր, ռեստորաններ, խաղահրապարակները և այլն: Սա նշանակում է, որ դադարեցվում են ոչ թե բոլոր ռեստորանների, առևտրի կենտրոնների և նմանատիպ այլ օբյեկտների աշխատանքը, այլ միայն նրանց, որոնք կսահմանվեն պարետի կողմից: ( Բազմաթիվ մոլեր եւ առեւտրի սրահներ իրենք են նման որոշում կայացրել՝ ավելի վաղ) Այս պահի դրությամբ դեռևս ցուցում չկա կոնկրետ տարածքների մասով։ Կարդացեք նաև Տիգրան Ավինյանի ցուցումով հանձնարարվել է բացառել ընդհանուր օգտագործման ավտոմոբիլային տրանսպորտով կանոնավոր ուղևորափոխադրումներ իրականացնող տրանսպորտային միջոցների գերբեռնվածությունը Պարետատան առաջին նիստում քննարկվել են սոցիալ-տնտեսական անհրաժեշտ միջոցառումները տնտեսությունը ակտիվացնելու ու կորոնավիրուսի ազդեցությունը սոցիալական տարբեր խմբերի վրա մեղմելու համար Ի՞նչ սպասել արտակարգ դրության ընթացքում Երեկվա քննարկումներից պարզ է դառնում, որ կառավարությունը փորձելու է սահմանափակումներ կիրառելիս հակակշիռներ գտնել տնտեսվարողների շահերի պաշտպանության համար։ Սակայն միանշանակ է, որ արտակարգ դրության որոշմանը պետք է հետևի տնտեսվարողներին աջակցության հստակ ընթացակարգերը: Իհարկե, ծանր ժամանակներ են պետության համար, սակայն ավելի ծանր ժամանակներ են պետության տնտեսական հենարանը կազմող տնտեսվարողների համար: Նույնիսկ այն պարագայում, երբ որոշակի տարածքում չկիրառվի արտակարգ դրության սահմանափակումները, արտակարգ դրությունը հսկայական հարված է տնտեսվարողների և գործատուների համար: Ամփոփելով՝ այս պահի դրությամբ` ✅Խանութները ✅Դեղատները, ✅Բանկերը, ✅Պետական հաստատությունները և կառույցները, մասնավոր հիմնարկները (օրինակ` քաղաքացիներին տարբեր ծառայություններ մատուցող կազմակերպություններ եւ այլն )ՇԱՐՈՒՆԱԿՈՒՄ ԵՆ աշխատել: Սննդի պաշարներ կան, գնեք միայն այնքան, ինչքան պետք է տանը մնալու համար։ Խանութներում կուտակումները նույնքան վտանգավոր են ձեր ու շրջապատի համար։ ✅Բժշկական օգնության և սպասարկման լիցենզիա ունեցող կազմակերպությունները (անկախ սեփականության ձևից) բժշկական օգնությունը և սպասարկումը իրականացնում են` հիմք ընդունելով Հայաստանի Հանրապետության առողջապահության նախարարության ցուցումները: Առողջապահության նախարարի հայտարարությունից պարզ դարձավ, որ բժշկական կազմակերպությունների ձևաչափը հստակեցվելու է այսօր»:

Կարդացեք նաեվ

«Պատմությունը չես ջնջի , լսեք այս տեքստը )))»․ Ալեն Սիմոնյան

Irina Abovyan

«Դամ պահողը» դուդուկահարին այլընտրանք չի կարող լինել․ Շարմազանով

Irina Abovyan

«Ադեկվադ» միաբանության անդամները նախագահական նստավայրի դիմաց են. ուղիղ

Irina Abovyan

Սրբազանը համը հանել է Հայ Գործարարի նոր ցնցող խոստովանությունը ցնցել է բոլորին. Կեցցես Մեծատառով ՀԱՅ

Irina Abovyan

Համաճարակն ընդամենը պատրվակ է՝ խեղդելու հայ ժողովրդի դժգոհությունը. Արմեն Աշոտյան

Irina Abovyan

ԳՐԱԳԵՏ ԵՎ ԴԻՊՈՒԿ․ ադրբեջանցիները դեռ այնքան հաց ու պանիր ունեն ուտելու․․․ Լևոն Շիրինյան

Irina Abovyan