Հասարակություն

Հարձակվել է վաճառողուհու վրա, կապել վերջինիս բերանն ու ձեռքերը. Հնչել է կրակոց

2020թ. օգոստոսի 1-ին` ժամը 09:00-ի սահմաններում, դիմակավորված երկու անձիք` ապօրինի ձեռք բերած և կրած զենքերով, ինչպես նաև որպես զենք օգտագործվող դանակով, ուրիշի գույքի հափշտակություն կատարելու դիտավորությամբ, ապօրինի մուտք են գործել Ալավերդի քաղաքի Թումանյան փողոցում գտնվող ոսկյա զարդերի խանութ, հարձակվել վաճառողուհու վրա, կապել վերջինիս բերանն ու ձեռքերը, ապա դանակի և զենքի գործադրմամբ նրա կյանքի համար վտանգավոր սպառնալիքներ տալով պահանջել և վերցրել են չհրկիզվող պահարանի բանալիները:

Չկարողանալով բացել նշված պահարանի բոլոր դռների փականները՝ մեկ անգամ կրակոց են արձակել, որից հետո կրկին փորձել են բացել փականները և չկարողանալով հափշտակել այնտեղ գտնվող  առանձնապես խոշոր չափերով` շուրջ 10.000.000 ՀՀ դրամ ընդհանուր արժողության ոսկյա զարդերը՝դիմել են փախուստի:

Դեպքի առթիվ ՀՀ քննչական կոմիտեի Լոռու մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 175-րդ հոդվածի (ավազակություն) 3-րդ մասի 1-ին կետով և 235-րդ (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) հոդվածի  2-րդ մասի հատկանիշներով:

Ձեռնարկվում են քննչական գործողություններ և օպերատիվ-հետախուզական միջոցառումներ՝ դեպքի բոլոր հանգամանքները, հանցագործություն կատարած անձանց ինքնությունը պարզելու, հայտնաբերելու ուղղությամբ:

Նախաքննությունը շարունակվում է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Կարդացեք նաեվ

Փաշինյանը նոր տեսանյութ է ներկայացրել…Ահա,թէ ինչ փոփոխություններ են կատարվում մեր երկրում

Irina Abovyan

Եգիպտոսը կարանտինի թուլացման պայմաններում հյուրանոցներ է բացում

Irina Abovyan

Մարտի 22-ը Ջրի համաշխարային օրն է

Irina Abovyan

Կարտոֆիլից նման ճաշատեսակ դեռ ոչ ոք չի սարքել․․․Եվ այդ ամենը՝ մի գաղտնի բաղադրամասի շնորհիվ

Irina Abovyan

Ովքեր կարող են օգտվել 68.000 դրամ աջակցությունից․ վարչապետը մանրամասնում է

Irina Abovyan

Ողբերգական դեպք Երևանում. «Ջերմուկ գրուպ» ընկերության տարածքում ամբարձիչի գազաբալոնի պայթյունի հետևանքով կա 2 զոհ, 1 վիրավոր. ՖՈՏՈՌԵՊՈՐՏԱԺ

Irina Abovyan