Հասարակություն

Նուբար Աֆեյանի ընկերությունը սկսել է կորոնավիրուսի պատվաստանյութի փորձարկումը մարդկանց վրա

COVID-19 կորոնավիրուսից պաշտպանվելու համար պատվաստանյութի կլինիկական փորձարկումների առաջին մասնակիցը փորձնական դեղաչափ կստանա այսօր՝ մարտի 16-ին: Այս մասին հայտնում է Associated Press լրատվական գործակալությունը՝ հղում անելով պետական պաշտոնյաներից մեկին:

Փորձարկումը տեղի է ունենալու Սիեթլում գտնվող հետազոտական ինստիտուտներից մեկում և ֆինանսավորվում է Առողջապահության ազգային ինստիտուտների կողմից: Փորձարկում իրականացնող ընկերություններն են NIH-ը և Moderna Inc.-ը:

Առողջապահության ոլորտի պաշտոնյաների հաղորդմամբ՝ որևէ հնարավոր պատվաստանյութը լիովին հաստատելու համար հարկավոր է 1-1.5 տարի: Փորձարկմանը կմասնակցեն 45 երիտասարդ, առողջ կամավորներ, որոնց կտրվեն փորձնական պատվաստանյութի տարբեր դեղաչափեր: Ըստ պաշտոնյայի՝ մասնակիցները չեն կարող վարակվել, քանի որ նմուշները չեն պարունակում վիրուս: Փորձարկման նպատակն է համոզվել, որ պատվաստանյութերը լուրջ կողմնակի ազդեցություններ չունեն, ինչից հետո կարելի է անցնել ավելի լայնամասշտաբ թեստերի:

Այս պահի դրությամբ նոր կորոնավիրուսի դեմ դեղամիջոց չկա: Չինաստանում գիտնականները հիվանդության դեմ փորձարկել են ՄԻԱՎ-ի դեղամիջոցները, ինչպես նաև էբոլայի համաճարակի դեմ պայքարում օգտագործված դեղամիջոցներից մեկը:

Վերջին տվյալների համաձայն՝ հիվանդության սկզբից ի վեր աշխարհում արձանագրվել է նոր կորոնավիրուսով վարակի 169.943 դեպք, որոնցից ապաքինվել է 77.778-ը, մահացել՝ 6523-ը:

Ավելի վաղ հայտնել էինք`Քեմբրիջի Moderna Therapeutics կենսատեխնոլոգիական ընկերությունը  կորոնավիրուսի դեմ պատվաստանյութ է ստեղծել և ուղարկել փորձարկման:

Նշենք, որ Moderna Therapeutics ընկերության համահիմնադիրը և տնօրենների խորհրդի ղեկավարը գործարար Նուբար Աֆեյանն է:

Կարդացեք նաեվ

ՀՀ-ում առողջապահության նախարարություն գոյություն չունի, այն պիտի լուծարվի եւ վերաձեւավորվի. Մանասյան

Irina Abovyan

8 կենցաղային պատճառներ, որոնք վնասում են քո առողջությանը

Irina Abovyan

«Ես չունեմ նման տեղեկատվություն»․ ԱՆ խոսնակը՝ Ալափարսում մահվան դեպքի մասին

Irina Abovyan

Զինված ադրբեջանցիները կտրել են խոզի միս մատուցած հայ խոհարարի մատները և ավերել սրճարանը (լուսանկար, տեսանյութ)

Irina Abovyan

«Այդքան գեղեցիկ կին ունես, ինչու՞ ես բաժանվում»,- հարցրեց դատավորը և, ստանալով այս պատասխանը, կորցրեց խոսելու ունակությունը

Irina Abovyan

Դպրոցների ուսուցիչներն ուսումնական տարվան ընդառաջ կթեստավորվեն

Irina Abovyan