Հասարակություն

Նոր մանրամասներ՝ Կապանում տեղի ունեցած խոշոր ավտովթարից. մետաղե ջարդոնի վերածված Mercedes-ը պատկանում է ԱԺ նախկին պատգամավոր«Ջերմուկի Աշոտի» տղային, իսկ այն վարել է «Ջերմուկ Գրուպ»-ի մարկետինգի բաժնի ղեկավարը.ՖՈՏՈՌԵՊՈՐՏԱԺ, ՏԵՍԱՆՅՈՒԹ

SHAMSHYAN.com-ի տեղեկություններով՝ Ճանապարհային ոստիկանության 2-րդ սպայական գումարտակի 6-րդ վաշտի հետաքննիչ Վահե Կոստանյանի կողմից նյութերի նախապատրաստման ընթացքում նոր մանրամասներ են ի հայտ եկել երեկ՝ հուլիսի 19-ին, Սյունիքի մարզում տեղի ունեցած խոշոր ավտովթարից։
Երեկ դեպքի վայրում հավաքված քաղաքացիներն ասում էին, որ Mercedes-ը վարել է Վայոց Ձորի նախկին մարզպետ Արագած Սաղաթելյանը։

Ինչպես հայտնում է ֆոտոլրագրող Գագիկ Շամշյանը, ՃՈ 2-րդ սպայական գումարտակի 6-րդ վաշտի ծառայողները՝ վաշտի հրամանատար Գեղամ Մարգարյանի և հետաքննիչ Վ. Կոստանյանի գլխավորությամբ պարզել են՝ Mercedes-ը վարել է Ջերմուկ քաղաքի բնակիչ՝ 34-ամյա Արթուր Պողոսյանը, հիվանդանոց է տեղափոխվել Mercedes-ի ուղևոր՝ Վայք քաղաքի բնակիչ Ա. Սաղաթելյանը։

Գ. Շամշյանի տեղեկություններով՝ Mercedes-ը պատկանում է ԱԺ նախկին պատգամավոր, «Ջերմուկի Աշոտ» մականվամբ Աշոտ Արսենյանի տղային, իսկ այն վարած Ա. Պողոսյանն աշխատում է «Ջերմուկ Գրուպ» ՓԲԸ-ում՝ որպես մարկետինգի բաժնի ղեկավար։

Հետաքննիչի հանձնարարականով ավտոմեքենաները տեղափոխվել են ոստիկանության Կապանի բաժնի պահպանվող հատուկ տարածք։

Ինչպես ավելի վաղ դեպքի վայրից հայտնել էր ֆոտոլրագրողը, երեկ՝ հուլիսի 19-ին, խոշոր ավտովթար էր տեղի ունեցել Սյունիքի մարզում:

Ժամը 18:00-ի սահմաններում, Կապան քաղաքի թունելի սկզբնամասում, դեռևս անհայտ հանգամանքներում բախվել էին Վայոց ձորի մարզի բնակիչ՝ 57-ամյա Արագած Սաղաթելյանի վարած Mercedes-Benz G-450 մակնիշի 555 ՕՕ 55 համարանիշի և 50-ամյա Վաչե Սարգսյանի վարած Opel մակնիշի 35 AV 650 համարանիշի ավտոմեքենաները:

Վթարի հետևանքով 2 վարորդներն ու 1 ուղևոր մարմնական վնասվածքներով տեղափոխվել էին Կապանի բժշկական կենտրոն:

Օպերատիվ էին գործել Կապանի հիվանդանոցի բժիշկներն ու Արտակարգ իրավիճակների նախարարության Փրկարար ծառայության Կապանի թիվ 54 հրշեջ-փրկարարական ջոկատը:

Կապանի հիվանդանոցի բժիշկները, մինչև վիրավորներին հիվանդանոց տեղափոխելը, տեղում առաջին բուժօգնությունն էին ցուցաբերել: Բախման հետևանքով էլ Mercedes-ը գլխիվայր շրջվել էր:

Օպերատիվորեն ժամանել էին Ճանապարհային ոստիկանության 2-րդ սպայական գումարտակի 6-րդ վաշտի 2-րդ դասակի ծառայողները՝ վաշտի հրամանատար Գեղամ Մարգարյանի գլխավորությամբ:

Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Երվանդ Ալեքսանյանը տեղեկությունը փոխանցել էր ոստիկանության Կապանի բաժին, որտեղից ժամանել էր օպերատիվ խումբը՝ օրվա պատասխանատու հերթապահի գլխավորությամբ:

Տեղում հետաքննչական աշխատանքները ղեկավարել է ՃՈ 2-րդ սպայական գումարտակի 6-րդ վաշտի ավագ հետաքննիչ Վահագն Կոստանյանը, ում կողմից փաստի առթիվ նյութեր էին նախապատրաստվում:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարները և տեսանյութը՝ Գագիկ Շամշյանի

Ֆոտոռեպորտաժ


Կարդացեք նաեվ

Աստղագուշակ Հունիսի 3-ի համար

Irina Abovyan

Այսօր էլեկտրաէներգիայի անջատումներ են սպասվում Երևանում և 2 մարզում

Irina Abovyan

Հեռախոսի միջոցով տեղորոշմամբ մինչ օրս հայտնաբերվել է 148 կորոնավիրուսի վարակակիր

Irina Abovyan

ՀՐԱՏԱՊ. ՏԵՍԱՆՅՈՒԹ. Խուճապահար վարորդներ. ուղղաթիռը թռչում է Երևան-Արտաշատ ճանապարհին «կպած». (Տեսանյութ)

Irina Abovyan

Հայ տղամարդը դաժան ծեծի է ենթարկվել Մինսկում․ՏԵՍԱՆՅՈՒԹ

Irina Abovyan

ՊՆ զինծառայողների հարազատներին հորդորում է կապոցներ չուղարկել

Irina Abovyan