Հասարակություն

87-ամյա մորը կացնահարել էր, մարմինը մասնատել ու այրել․ ոստիկանություն

Հուլիսի 19-ին ոստիկանության Բազումի բաժնում տեղեկություն ստացվեց, որ Վանաձորի Ներսիսյան թաղամասի թիվ 6 շենքի բնակարաններից մեկում որդին սպանել է մորը: Մեկնած օպերատիվ խումբը բնակարանի տարբեր հատվածներում արնանման հետքեր հայտնաբերեց։

Այս մասին հյատնում են ոստիկանությունից։

Ձեռնարկված անհետաձգելի միջոցառումներով պարզվեց, որ 87-ամյա տանտիրուհուն սպանել էր 58-ամյա որդին, որը նախկինում 11 տարի 6 ամիս ժամկետով ազատազրկման էր դատապարտվել՝ սպանության, խուլիգանության և ապօրինի զենք պահելու մեղադրանքով: Պատժի կրումից ազատվել էր 2018 թվականին:

Տղամարդը ոստիկաններին հայտնեց, որ երկու օր առաջ մորը սպանել էր կացնով, ապա մարմինը դանակով մասնատել, լցրել էր պոլիէթիլենային պարկի մեջ, նետել աղբանոցն ու այրել։

Փաստի առթիվ սպանության հատկանիշներով հարուցվել է քրեական գործ։
Ձեռնարկված օպերատիվ-հետախուզական միջոցառումների և քննչական գործողությունների շնորհիվ թաղամասի աղբամաններից մեկում հայտնաբերվել են տարեց կնոջ այրված մարմնամասերը։

Հանցագործության գործիք կացինը հայտնաբերվել է։ Նշանակվել են փորձաքննություններ։ Տղամարդը ձերբակալվել է։ Հարուցված քրեական գործի նախաքննությունը շարունակվում է։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Կարդացեք նաեվ

Ստիպված ենք լինելու կեղծ և չհիմնավորված այսպիսի լուրեր տարածողների տվյալները փոխանցել իրավապահ մարմիններին․ Արսեն Թորոսյան

Irina Abovyan

Հրդեհ Արգել գյուղի նախկին դպրոցի շենքում․ դեպքի վայր է մեկնել 6 մարտական հաշվարկ

Irina Abovyan

Ալեն Սիմոնյանի կինը Կասկադի սրճարաններից մեկում նշում է տարեդարձը

Irina Abovyan

Կենդանակերպի 3 նշաններ, որոնք խելքահան են անում տղամարդկանց

Irina Abovyan

Կորոնավիրուսով վարակման դեպքերի թիվն ավելացել է 566-ով, գրանցվել է մահվան 18 դեպք

Irina Abovyan

Ռուս երգչուհին, կարանտինի մասին իմանալով, 21 տոննա հնդկաձավար է գնել. Корреспондент

Irina Abovyan