Հասարակություն

Նուբար Աֆեյանի ընկերության ստեղծած պատվաստանյութը փորձարկման բոլոր մասնակիցների մոտ կորոնավիրուսի դեմ իմունային արձագանք է առաջացրել

«Քովիդ-19»-ի դեմ փորձարարական պատվաստանյութը, որը մշակել է ամերիկահայ գործարար Նուբար Աֆեյանին պատկանող Moderna ընկերությունը, հետազոտության վաղ փուլում բոլոր կամավորների մոտ իմունային արձագանք է առաջացրել:

Այս մասին հայտնում է Интерфакс գործակալությունը՝ մեջբերելով New England Journal of Medicine գիտական ամսագրում հրապարակված հետազոտության արդյունքները: Հետազոտությունը ցույց է տվել, որ որոշակի հակամարմիններ են ձևավորվել պատվաստանյութի առաջին իսկ չափաբաժնի ներարկումից հետո, սակայն 4 շաբաթից ներարկվել է 2-րդ չափաբաժինը, որից հետո պատվաստանյութն ուժեղ իմունային արձագանք է առաջացրել գիտափորձի մասնակից բոլոր 45 կամավորների մոտ:

Ինչպես հայտնել է ընկերության տնօրեն Ստեֆան Բանսելը, արդյունքները «հուսադրող են և կարևոր առաջընթաց են ներկայացնում mRNA-1273 պատվաստանյութի կլինիկական մշակման գործում»:

Գիտափորձին մասնակցել են 18-55 տարեկան 45 առողջ կամավորներ, որոնց պատվաստանյութի 3 չափաբաժին են ներարկել՝ 25, 100 և 250 միկրոգրամ:  

Ակնկալվում է, որ հուլիսի 27-ին ընկերությունը կսկսի փորձարկման առավել լայնամասշտաբ երրորդ փուլը, որին կմասնակցեն 30 հազար կամավորներ:  

Կարդացեք նաեվ

Իջևանում կարի արտադրամաս է բացվել. Սիփան Փաշինան

Irina Abovyan

ԱՄՆ-ից Հայաստան վերադարձող հայ աշակերտները երգում են օդանավակայանում

Irina Abovyan

Կորոնավիրուսից մահացած անձանց չդիահերձել. ԱԺ-ում քննարկում են կառավարության նախագիծը

Irina Abovyan

Խոշոր ավտովթար Երևանում. Սարի թաղի «կալցևոյում». բախվել են Opel-ն ու ЗИЛ-ը, ЗИЛ-ն էլ փլուզել է քարե պարիսպը. կա վիրավոր. ՖՈՏՈՌԵՊՈՐՏԱԺ, ՏԵՍԱՆՅՈՒԹ

Irina Abovyan

Կարճ առած այն մասին, թե ինչպես է պետք սովորել երջանիկ լինել

Irina Abovyan

Ուշադրություն բոլոր տնային տնտեսուհիներին..Պահպանում ենք կանաչին շատ թարմ, մինչև 2 ամիս..

Irina Abovyan