Քաղաքականություն

Հիմա բոլորս պետք է սթափ դատողությամբ հետևենք դեպքերի ընթացքին, չխանգարենք մեր բանակին և օպերատիվ արձագանքենք պետության կարիքներին. Միքայել Մինասյան

«Հիմա կենաց ու մահու պայքար է։ Ու մեզ մնում է միայն աղոթել մեր զորքի համար՝ ամուր պահելով թիկունքը և ոգին»,- այս մասին Ֆեյսբուքի իր էջում գրառել է Սուրբ Աթոռում ՀՀ նախկին դեսպան Միքայել Մինասյանը՝ անդրադառնալով հայ-ադրբեջանական սահմանին վերջին օրերին տեղի ունեցող լարվածությանը։ Միքայել Մինասյանի գրառումն ամբողջությամբ ներկայացնում ենք ստորև․

«Հիմա խոսքերն ավելորդ են, ավելորդ են նաև պաթոսը, կասկածն ու վախը։ Բոլորս պետք է սթափ դատողությամբ հետևենք դեպքերի ընթացքին, չխանգարենք մեր բանակին և օպերատիվ արձագանքենք պետության կարիքներին։

Հետո իհարկե կարելի է խոսել։ Կարելի է ու պետք է խոսել, թե ինչու պատերազմը սկսվեց Տավուշում, ինչու առաջին անգամ Ադրբեջանը հանդգնեց այս ուժգնության ռազմական ագրեսիայի դիմել հայ-ադրբեջանական սահմանին, ինչու ՀԱՊԿ-ը կրկին կրավորական կեցվածք ընդունեց, ինչու ապրիլյանի ժամանակ ադրբեջանական դեզինֆորմացիա տարածողները՝ «հայրենասերի» դիմակ հագած, բոլորովին այլ` վտանգավոր խաղ սկսեցին։ Պետք է հասկանանք, թե այդ ինչպես են մեր զինվորների տվյալները հասանելի, իսկ պետական առցանց ռեսուրսները խոցելի դարձել թշնամու համար, ինչու է Նիկոլ Փաշինյանը թշնամու լայնածավալ հարձակումը «ռազմական միջադեպ» որակում, իսկ նրա կինը հերթական խաղաղասիրական նախաձեռնությամբ մեջ ընկնում՝ կանխատեսելի վերջաբանով։ Սրանք ուղղակի հարցեր չեն, այլ գոյաբանական խնդիրներ, որոնց պատասխաններից է կախված մեր պետության ապագան։

Այս հարցերը տալու և պատասխանները ստանալու ժամանակը կգա։ Հիմա այդ պահը չէ։ Հիմա կենաց ու մահու պայքար է։ Ու մեզ մնում է միայն աղոթել մեր զորքի համար՝ ամուր պահելով թիկունքը և ոգին։

Նահանջի տեղ չկա։

Հ.Գ. Թող օգնության հասնող Աստվածամայրը մայրաբար պաշտպանի սահմանին կանգնած մեր սպային ու զինվորին։ Նրանց գործն արդար է»։

Կարդացեք նաեվ

Սերժոն չի կարող հիմարացնել մի ժողովրդի, որն իր հրաժարականի առիթով համահայկական հարսանիք էր կազմակերպել

Irina Abovyan

ՈՒԶՈՒՄ ԵՆ ԱՍԵՆ․ Նիկոլը Լիքը փողա ծախսել

Irina Abovyan

Հեղաշրջում և ճահիճ․ Պետք չէր այդպես վարվել Հայաստանի հետ / ՀՐԱՏԱՊ

Irina Abovyan

ՄԱՔՐԵ՛Ք Բաղրամյան պողոտան. Կոչ քաղաքական իշխանությանը և ուժայիններին

Irina Abovyan

Ավանակի ներմուծման մենաշնորը կպատկանի Ծառուկյանին․ Սենսացիա

Irina Abovyan

Ես կույր չեմ, ես նույնպես տեսնում եմ ներկայիս կառավարության սխալներն ու բացթողումները, բայց…

Irina Abovyan